«Украінцы могуць хутка ўвайсці ў Менск»

Лукашэнка баіцца за сваю шкуру.

Украінскі вайсковы аналітык Міхаіл Самусь у каментары для «Голасу Амерыкі» выказаў меркаванне, што агрэсіўныя заявы Масквы аб украінскай пагрозе для Беларусі - гэта «інфармацыйна-псіхалагічная спецаперацыя»:

«Магчыма, гэты інфармацыйны ўкід, разлічаны выключна на ўнутраную расейскую аўдыторыю, - удакладніў ён у каментары. Беларуская тэма часта паднімаецца Масквой, але таксама часта і сыходзіць з позвы. У чым логіка Масквы - загадка. Украіне гэтая тэма не цікавая. У нас гэта ўспрымаецца як «белы шум». Спачатку Крэмль няхай вызваліць Курскую вобласць, а потым яму можна будзе казаць пра іншыя рэчы, у тым ліку якія датычаць абароны свайго «хаўрусніка».

Лукашэнка не стане ўвязвацца ў авантуру, упэўнены Міхаіл Самусь. «Хаця б таму, што ўкраінцы могуць хутка ўвайсці ў Менск. Бо перш чым увязвацца ў бойку, трэба разлічваць свае сілы. У Лукашэнкі няма войска, якое б здольнае на нешта сур'ёзнае. Вось зараз у Курскай вобласці 35 тысяч расейскіх войскаў нічога не могуць зрабіць з УСУ. А ў Лукашэнкі няма такой колькасці баяздольных войскаў, і ў Расеі няма такіх рэзерваў, каб перакінуць іх яшчэ і ў Беларусь… Лукашэнка ж не ідыёт.

Ён заўсёды беражэ сваю шкуру перш за ўсё. Таму я не ўяўляю, каб ён пайшоў на самагубны для сябе крок і падпісаў сабе смяротны прысуд у даслоўным сэнсе слова. У яго і без таго праблем стае», - сказаў на заканчэнне аналітык.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]