У Менску хлопец на прыпынку пагражаў школьніцы нажом

Вымагаў грошы на праезд.

Каля прыпынку па вуліцы Кіжаватава ў Менску хлопец напаў на 16-гадовую школьніцу з нажом і патрабаваў у яе грошай. Як высветлілася – на праезд, паведамляе ГУУС Менгарвыканкама.

Пра здарэнне стала вядома пасля таго, як маці школьніцы звярнулася ў міліцыю.

Аператыўнікі крымінальнага вышуку Менска цягам сутак вызначылі асобу падазронага. Высветлілася, што гэта 21-гадовы жыхар Менскага раёна.

Пасля нападу на дзяўчыну ён з'ехаў са сталіцы.

Яго затрымалі і даставілі ў Менск для разбору. У кватэры хлопца знайшлі канцылярскі нож, якім ён і пагражаў школьніцы.

Сваю віну малады чалавек прызнаў, а ўчынак растлумачыў тым, што хацеў дабрацца дадому хутчэй, але грошай у яго пры сабе не было. Дзяўчына яму сказала, што мае 10 рублёў. Гэтай сумы фігуранту было недастаткова, і ён адпусціў яе. Пры гэтым ён папрасіў, каб школьніца нічога нікому не расказвала пра інцыдэнт.

Дахаты хлопец у той вечар усё ж дабраўся – ён сустрэў на прыпынку свайго знаёмага, які і аплаціў яму квіток.

Дзеянням затрыманага яшчэ дадуць прававую ацэнку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]