Еўрапарламент запатрабаваў ад беларускага рэжыму вызваліць усіх палітвязняў

Неадкладна і безумоўна.

19 верасня на пленарным пасяджэнні ў Страсбургу Еўрапейскі парламент большасцю галасоў прыняў рэзалюцыю «Аб цяжкім становішчы палітвязняў у Беларусі», паведамляе карэспандэнт сайта Charter97.org.

Па імёнах пералічаныя найбольш абуральныя і заўважныя выпадкі, уключаючы актывістку грамадзянскай кампаніі «Еўрапейская Беларусь» Паліну Шарэнду-Панасюк і лідара беларускай апазіцыі Мікалая Статкевіча. Еўрапарламентарыі дамагаюцца інфармацыі, надання медыцынскай дапамогі вязням і заклікаюць узмацніць санкцыі супраць рэжыму.

Еўрапейскі парламент “выказвае крайнюю занепакоенасць становішчам многіх палітычных зняволеных, сярод якіх Марыя Калеснікава, Сяргей Ціханоўскі, Мікалай Статкевіч, Алесь Бяляцкі, Максім Знак, Віктар Бабарыка, Ігар Лосік, Паліна Шарэнда-Панасюк, Павел Севярынец, Аляксандр Ярашук, Мікіта Залатароў і Яна Пінчук, многія з якіх месяцамі і гадамі ўтрымліваюцца пад вартай без сувязі з вонкавым светам, адчуваюць сур'ёзныя праблемы са здароўем, як Марыя Калеснікава і Анджэй Пачобут, і зазнаюць ізаляцыю, жорсткае абыходжанне і катаванні».

Заканадаўцы «настойліва заклікаюць» рэжым паважаць правы затрыманых, падаваць інфармацыю аб іх сітуацыі, надаваць неабходную медыцынскую дапамогу і дазволіць доступ адвакатам, родзічам і Міжнароднаму Камітэту Чырвонага Крыжа.

Парламентарыі заклікаюць «ЕЗ і яго дзяржавы-чальцы пашырыць і ўзмацніць санкцыі ў дачыненні да асоб і арганізацый, адказных за рэпрэсіі ў Беларусі».

У рэзалюцыі змяшчаецца заклік да ЕЗ і яго дзяржаў-сябраў «працаваць над прыцягненнем да адказнасці за злачынствы рэжыму Лукашэнкі і актыўна ўжываць прынцып універсальнай юрысдыкцыі».

Парламентарыі заклікаюць «Сербію ўстрымацца ад экстрадыцыі беларускага журналіста Андрэя Гнёта, а Еўразвяз і дружалюбныя дзяржавы - сачыць за яго справай».

Рэзалюцыя змяшчае патрабаванне «неадкладна і безумоўна вызваліць усіх палітычных зняволеных і адвольна затрыманых асоб».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]