Кіраўнік МЗС Польшчы прапанаваў перадаць Крым пад мандат ААН для падрыхтоўкі «сумленнага рэферэндуму»

Паўвыспа мае ключавое значэнне для абмеркавання ўмоў міру паміж Украінай і РФ.

Міністр замежных спраў Польшчы Радаслаў Сікорскі прапанаваў часова акупаваную Расеяй украінскую паўвыспу Крым перадаць пад мандат ААН. Гэта нібыта трэба для падрыхтоўкі, у ягоным разуменні, сумленнага рэферэндуму.

Ён кажа, што Крымская паўвыспа мае ключавое значэнне, калі будуць абмяркоўвацца ўмовы міру паміж Украінай і Расеяй. Такое асабістае меркаванне кіраўнік польскага МЗС выказаў на 20-й штогадовай сустрэчы YES у Кіеве, паведамляе «Інтэрфакс-Украіна».

«Крым сымбалічна важны для Расеі і асабліва для Пуціна, але стратэгічна важны для Украіны. Таму я не бачу, як яны змогуць дамовіцца без дэмілітарызацыі Крыма», - заявіў Сікорскі.

Ён думае, што калі абедзве краіны захочуць, то ў гэтым пытанні «можна было б знайсці пастанову». Паводле ягоных слоў, можна было перадаць Крым пад мандат ААН з місіяй аб «падрыхтоўцы сумленнага рэферэндуму».

«Пасля праверкі таго, хто з'яўляюцца законнымі жыхарамі, і гэтак далей... І мы маглі б адкласці гэта на 20 гадоў», - агучыў адзін з варыянтаў міністр замежных спраў Польшчы.

У той жа час ён таксама выказаў меркаванне, што гэта была вялікая памылка Захаду, амерыканцаў, сказаць украінцам, каб яны не ваявалі ў Крыме.

«Калі б украінцы ваявалі ў Крыме, хай нават сімвалічна, ён (Пуцін. - Рэд.), магчыма, не наважыўся б на Данбас», - растлумачыў сваю пазіцыю Сікорскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]