Гомельскага правакатара будуць судзіць паводле двух артыкулаў

Ён даносіў на апазіцыянераў, але ў выніку сам трапіў пад «крыміналку».

У Гомелі будуць судзіць мясцовага правакатара Яўгена Катлярова. Ён абвінавачваецца ў дыскрэдытацыі Беларусі і абразе прадстаўніка ўлады, паведамляюць праваабаронцы «Гомельскай Вясны».

Разгляд крымінальнай справы пачнецца 30 верасня ў судзе Навабеліцкага раёна Гомеля. Як пазначана ў раскладзе судовых паседжанняў, Яўгену Катлярову ставяцца ў віну дыскрэдытацыя Беларусі (арт. 369-1 КК – да чатырох гадоў пазбаўлення волі) і абраза прадстаўніка ўлады (арт. 369 КК – да трох гадоў пазбаўлення волі).

Абодва артыкулы, якія ставяцца ў віну гамельчуку, часта ўжываюцца да палітычных апанентаў дзейнай улады.

Судзіць Катлярова будуць у закрытым рэжыме.

Яўген Катляроў – гомельскі дальнабойнік і правакатар, які раней распаўсюджваў фэйкі ў незалежных СМІ пад рознымі псеўданімамі (Яўген Какойта, Мікіта Канцавы і іншыя). Сваю дзейнасць ён пачаў яшчэ да падзеяў 2020 года.

У 2021 годзе ён даваў паказанні на праваабаронцу Леаніда Судаленку. «У СК супраць мяне даў паказанні Яўген Катляроў, які галаслоўна абвінаваціў мяне ў арганізацыі ўсіх пратэстаў у Гомелі. Гэтыя ягоныя паказанні чалавек у мантыі суддзі паклаў у аснову абвінавачання ў прысудзе, а ягоныя трое калегаў з апеляцыйнага суда іх зацвердзілі. У абодвух выпадках служыцелі Феміды адхілілі маё хадайніцтва аб допыце Катлярова, але, відаць, у іх была іншая задача – асудзіць мяне любым коштам», – пісаў Леанід з-за кратаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]