Нацбанк прыняў пастанову, ад якой залежаць стаўкі крэдытаў на жыллё

Падрабязнасці.

Нацбанк абнародаваў разліковыя велічыні стандартнай рызыкі (РВСР), якія будуць дзейнічаць у кастрычніку. Гэта адсоткавая столь банкаўскіх крэдытаў, у першую чаргу на нерухомасць.

РВСР для фізічных асобаў на кастрычнік, як і ў гэтым месяцы, пакінуць на цяперашнім узроўні – 17,71% (у ліпені было 17,22%), а для юрыдычных асобаў – таксама жнівеньскія значэнні – 12,5% (у ліпені – 11,98 %). На гэтую столь павінны арыентавацца банкі, калі выстаўляюць адсоткавыя стаўкі ў крэдытах, іх нельга перавышаць.

Яшчэ адзін паказнік, на які фінустановы арыентуюцца пры выстаўленні адсоткавых ставак у пазыках, – стаўка рэфінансавання. Цяпер яна складае 9,5% гадавых. Нацбанк прагназуе, што стаўка рэфінансавання ў сярэднім за 2024 год будзе на ўзроўні 9–9,5% гадавых. Аднак 19 студзеня ў Нацбанку заявілі, што ў 2024 годзе рэгулятар не плануе змяншаць стаўку рэфінансавання, чакаць яе павышэння таксама не варта.

Нагадаем, запазычанасць беларусаў перад банкамі ставіць рэкорды. Пры гэтым фінустановы павышаюць стаўкі ў пазыках на жыллё.

Таксама Нацбанк раней заяўляў пра інфляцыйныя і дэвальвацыйныя рызыкі для беларускай эканомікі, якія звязаныя ў тым ліку з тым, што насельніцтва і бізнэс актыўна набіраюць крэдыты. Эксперты таксама бачаць у гэтым рызыкі для нацвалюты. Яны мяркуюць, што памяркоўная пазіцыя Нацбанка ў грашова-крэдытнай палітыцы можа стаць адной з прычынаў запаволення росту эканомікі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]