Польскі Уроцлаў рыхтуецца да паводкі

Пік прагназуецца 19 верасня.

Хваля паводкі можа праходзіць па польскім Уроцлаве мінімум дзень, кульмінацыю паводкі чакаюць у чацвер.

Пра гэта паведаміў польскі Інстытут метэаралогіі і воднай гаспадаркі, піша Polskie Radio.

Гідролаг Міхал Сікора адзначыў, што кульмінацыя паводкі дасягне сталіцы Ніжняй Сілезіі 19 верасня.

«Разлічваем, што пік хвалі прыпадзе на чацвер. Яна будзе прыкладна 640 сантыметраў, а значыць, значна менш, чым у 1997 годзе. На пытанне, колькі часу працягнецца такая сітуацыя... Узровень трывогі будзе захоўвацца яшчэ доўгі час. Некалькі дзён дакладна», - адзначыў ён.

Уроцлаў рыхтуецца да самага песімістычнага сцэнару. Доўгая паводкавая хваля можа размыць насыпы і пашкодзіць гідратэхнічныя прылады.

Разам з тым дырэктар Інстытута метэаралогіі і воднай гаспадаркі Робэрт Чарняўскі запэўнівае, што на адцінку ад Рацібора да Уроцлава і ў Аполе не чакаецца пералівання вады праз насыпы.

«Мы прааналізавалі вынікі ўніверсітэта прыродазнаўчых навук ва Уроцлаве, і можам сказаць, што нейкай фатальнай сітуацыі не будзе. Такі наш прагноз», - акцэнтаваў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]