12-гадовы беларус, які стаў футбалістам «Рэала», ужо раздае ў Мадрыдзе аўтографы

На мінулым тыдні ён стаў найлепшым бамбардзірам на перадсезонных спаборніцтвах у Партугаліі.

Аляксей Маёраў, які падпісаў кантракт з мадрыдскім «Рэалам» у жніўні гэтага года, паказаў у сябе ў Instagram-акаўнце, як раздае аўтографы.

Гэта было пасля адной з трэніровак Аляксея. Ён падпісаў цішоткі двум гішпанскім футбалістам з клубнай акадэміі. «Мае фанаты з мадрыдскага «Рэала», - такім запісам суправаджалася відэа.

Судзячы па Instagram Маёрава, на які ўжо падпісаныя 14 тысяч чалавек, пасля падпісання кантракту з «Рэалам» беларус упарта трэніруецца. Напрыклад, ён рэгулярна паказвае сваю працу ў трэнажорнай зале.

Дастаткова ў жыцці Аляксея і футбольных заняткаў. Ён трэніруецца з камандай U-13 (гэта значыць, узрост гульцоў не перавышае 13 гадоў). Наперадзе ў Маёрава афіцыйныя турніры. А на мінулым тыдні яго каманда перамагла ў перадсезонных спаборніцтвах у Партугаліі. Беларус стаў найлепшым бамбардзірам, забіўшы ў матчах з «Бенфікай», «Порту» і «Спортынгам» сем галоў.

Нагадаем, раней Маёраў гуляў у складзе каталонскай «Серданьёлы», дзе ў 22 матчах забіў 59 галоў. У красавіку гэтага года гішпанскія СМІ пісалі, што на беларуса прэтэндавала і «Барселона». А бацька Аляксея адзначаў, што ў яго былі кантакты наконт сына з французскім ПСЖ і ангельскім «Манчэстэр Сіці».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]