У Ліване сотні баевікоў «Хезбалы» атрымалі раненні ад уласных пэйджараў

Сярод пацярпелых – амбасадар Ірана ў Бейруце.

Сотні баевікоў «Хезбалы» атрымалі 17 верасня сур'ёзныя раненні, у выніку таго, што ў іх выбухнулі пэйджары ды іншыя прылады, якія яны выкарыстоўвалі для спецсувязі. Пра гэта паведамілі Reuters крыніцы ў ліванскіх службах бяспекі.

Паранены і амбасадар Ірана ў Ліване ў выніку выбуху сродку сувязі.

Журналіст Reuters бачыў пасля блізу дзесяці параненых актывістаў «Хезбалы», якія сцякалі крывёй, у паўднёвым прыгарадзе Бейрута – Дахіі. Ліванскае Міністэрства аховы здароўя называе лік 200 параненых. Крыніцы Reuters пацвердзілі, што гаворка пра «сотні» пацярпелых. 12-ы канал ІТВ са спасылкай на замежныя СМІ называе лік 1000 параненых.

Выбухі пэйджараў зафіксаваныя ў Бейруце, горным Ліване і на поўдні краіны.

Іранскае агенцтва Mehr заявіла, што ў выніку выбуху пэйджараў пацярпеў амбасадар краіны ў Бейруце Маджтаба Амані.

Паводле паведамленняў арабскай рэдакцыі Sky News, якая спасылаецца на ліванскія крыніцы, Ізраіль мог правесці кібератаку, узламаць і дыстанцыйна падарваць прылады, якія выкарыстоўваліся баевікамі «Хезбалы».

Ваенны і стратэгічны эксперт Джозэф Насар у інтэрв'ю Sky News Arabia заявіў, што адбылося ўкараненне вірусу ў праграмнае забеспячэнне пэйджараў. Вірус прымушае ПЗ працаваць на вельмі высокай хуткасці, што прыводзіць да выбуху акумулятара.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]