Уплывовы чалец Еўракамісіі Брэтон нечакана пайшоў у адстаўку
2- 16.09.2024, 20:39
- 3,786
Ён вядомы жорсткімі патрабаваннямі да тэхналагічных гігантаў і сацсетак.
Чалец Еўракамісіі, які адказвае за пытанні ўнутранага рынку ЕЗ, прадстаўнік Францыі Цьеры Брэтон у панядзелак заявіў пра сваю адстаўку. Ён апублікаваў ліст, накіраваны кіраўніцы Еўракамісіі Уршулі фон дэр Ляен, у якім сцвярджаецца, што яна прасіла ўлады Францыі адмовіцца ад вылучэння Брэтона ў новы склад Еўракамісіі.
Як адзначае агенцтва France Presse, перапрызначэнне Брэтона ўважалася за пэўнае. Аднак з ліста былога сябра Еўракамісіі вынікае, што ў апошні момант перад абвяшчэннем новага складу найвышэйшага выканаўчага органа ЕЗ фон дэр Ляен звярнулася да ўладаў Францыі з просьбай вылучыць іншую кандыдатуру. Пры гэтым Парыжу, як сцвярджаецца, было абяцана, што французскі прадстаўнік атрымае важны партфель у новым складзе камісіі. Брэтон заявіў, што ў такіх умовах не можа заставацца на пасадзе, і назваў апошнія падзеі «чарговым прыкладам сумнеўнага кіраўніцтва».
I would like to express my deepest gratitude to my colleagues in the College, Commission services, MEPs, Member States, and my team.
— Thierry Breton (@ThierryBreton) September 16, 2024
Together, we have worked tirelessly to advance an ambitious EU agenda.
It has been an honour & privilege to serve the common European interest🇪🇺 pic.twitter.com/wQ4eeHUnYu
Установа, якую ўзначальваў Брэтон, апроч іншага, адказвала за пастаўкі і вытворчасць у ЕЗ вакцынаў ад COVID-19, а таксама за ваенную прамысловасць. Брэтон, акрамя таго, вядомы як прыхільнік жорсткай лініі ў дачыненні да тэхналагічных гігантаў і кампаній – уладальнікаў сацсетак. Ён настойваў на выкананні імі еўрапейскага заканадаўства, пагражаючы блакаваннем, сярод іншага, сацсеткі X, якая належыць Ілану Маску.
Які партфель цяпер атрымае Францыя ў новым складзе Еўракамісіі і хто будзе яе прадстаўляць, пакуль незразумела.
Фон дэр Ляен, якая прадстаўляе найбуйнейшую фракцыю ў Еўрапарламенце – Еўрапейскую народную партыю, была абраная ў якасці кіраўніцы Еўракамісіі на другі пяцігадовы тэрмін. Кандыдатуры ў новы склад камісіі будуць, як чакаецца, абвешчаныя заўтра. Паведамлялася, што знешнепалітычную ўстанову ЕЗ павінна ўзначаліць замест Жазэпа Барэля прадстаўніца Эстоніі Кая Калас.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
