Bloomberg: Пуцін мог перадаць Ірану ядзерныя сакрэты ў абмен на дапамогу ў вайне з Украінай

У абмен на балістычныя ракеты.

ЗША і Вялікая Брытанія асцерагаюцца, што Расея магла перадаць Ірану ядзерныя сакрэты ў абмен на іранскія балістычныя ракеты, якія расейскія войскі выкарыстоўваюць для ўдараў па Украіне. Аб гэтым паведамляе a target="_blank" href=https://www.bloomberg.com/news/articles/2024-09-14/us-uk-on-edge-as-russia-shares-nuclear-secrets-with-iran>Bloomberg са спасылкай на еўрапейскіх чыноўнікаў.

З іх слоў, супрацоўніцтва паміж Масквой і Тэгеранам узмацнілася праз амбіцыі Ірана стварыць ядзерную зброю. Гэтая праблема абмяркоўвалася на нядаўняй сустрэчы прэм'ер-міністра Вялікай Брытаніі Кіра Стармера з прэзідэнтам ЗША Джо Байдэнам у Вашынгтоне. Узмацненне партнёрства паміж Расеяй і Іранам выклікае сур'ёзную занепакоенасць на Захадзе, адзначылі крыніцы.

Дзяржсакратар ЗША Энтані Блінкен раней таксама заяўляў, што Расея дапамагае Ірану ў яго ядзерных памкненнях. «Масква перадае Тэгерану тэхналогіі, якія ён даўно імкнецца займець, у тым ліку ядзерныя і касмічныя напрацоўкі», – адзначыў Блінкен падчас свайго візіту ў Лондан на мінулым тыдні. Пры гэтым ён падкрэсліў: альянс Масквы і Тэгерана стварае яшчэ большую пагрозу сусветнай бяспецы.

6 верасня The Wall Street Journal паведаміў, што Іран паставіў Расеі некалькі сотняў балістычных ракет малой далёкасці. Паводле інфармацыі The Times, гэта 200 ракет Fateh-360, дастаўленых у адзін з каспійскіх партоў 4 верасня.

Член іранскага парламенцкага камітэта па нацыянальнай бяспецы і замежнай палітыцы Ахмад Бахшаеш Ардэстані неўзабаве пацвердзіў факт ракетных паставак. З яго слоў, Тэгеран вымушаны перадаваць зброю Маскве ў абмен на сою і пшаніцу. На пытанне аб тым, ці можа такі бартэр узмацніць санкцыі супраць Ірана, дэпутат адказаў: «Горш ужо не будзе. Мы пастаўляем ракеты „Хезбале“, ХАМАС і „Хашд аш-Шаабі“, дык чаму б не адправіць іх і Расеі?».

У адказ ЗША і Еўропа ўвялі новыя санкцыі супраць Ірана, у тым ліку супраць іранскіх кампаній і фізічных асоб, якія ўдзельнічаюць у вайсковых пастаўках для Расеі, а таксама супраць нацыянальнага авіяперавозчыка Iran Air.

З пачатку поўнамаштабнага ўварвання Расеі ва Украіну ў лютым 2022 года вайсковае супрацоўніцтва Масквы і Тэгерана значна ўмацавалася. Іран пачаў пастаўляць Расеі беспілотнікі «Шахед», а пазней на тэрыторыі РФ быў адкрыты завод па іх вытворчасці. Увесну 2023 стала вядома аб сакрэтнай угодзе, паводле якой Расея абавязалася пастаўляць Ірану ўран для стварэння ядзернай зброі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]