«Ценявы флот» Пуціна прагналі з ключавой стаянкі ў Міжземным моры

Раней «ценявому флоту» ўжо давялося пакінуць Сеуту на ўзбярэжжы Паўночнай Афрыкі.

Ценявы флот расейскіх танкераў, які возіць нафту ў абыход заходніх санкцый, пазбавіўся ключавой стаянкі ў Міжземным моры, дзе барэлі перапампоўваліся з судна на судна для далейшага транспартавання ў Азію.

Вайскова-марскі флот Грэцыі яшчэ на два месяцы прадоўжыў вучэнні ў Лаконскай затоцы - у самай паўднёвай затоцы мацерыковай Грэцыі і ўсёй Еўропы, праз якую пралягае марскі шлях у накірунку Суэцкага канала.

У выніку затока, дзе ў пачатку года штомесяц з танкера на танкер перапампоўвалася 200-400 тысяч тон нафты з РФ, застанецца закрытай для ўсіх камерцыйных суднаў, у тым ліку расейскіх, паведамляе Bloomebrg са спасылкай на звесткі Гідраграфічнай службы Грэцыі.

Вучэнні, якія дэ-факта закрылі затоку і забаранілі рух суднаў ля берагоў паўднёва-ўсходняга Пелапанеса, стартавалі ў пачатку траўня і з таго часу неаднаразова працягваліся. У выніку перавалка расейскай нафты каля грэцкага порта Каламаты практычна спынілася, а трэйдарам давялося шукаць новыя стаянкі для танкераў.

Раней «ценявому флоту» ўжо давялося пакінуць Сеуту на ўзбярэжжы Паўночнай Афрыкі, якая была важным месцам для перагрузкі паліва «борт-борт», бо гішпанскія ўлады ўзмацнілі жорсткасць правіл у дачыненні да STS-аперацый з нафтай.

Са слоў трэйдараў, якіх цытуе Reuters, аперацыі па перавалцы расейскай Urals «борт-борт» перамясціліся на поўдзень - у егіпецкія парты Даміету і Порт-Саід, дзе пастаўшчыкі нафты з РФ перагружаюць сыравіну з танкераў класа Aframax на буйнейшыя судны VLCC, а таксама да берагоў Мальты.

Улетку новай стаянкай для «ценявога» расейскага флоту стала паўночная частка Эгейскага мора. У ліпені не менш за чатыры танкеры з дызпалівам і газойлем агульным аб'ёмам амаль 123 тысячы тон выйшлі з расейскіх чарнаморскіх партоў Тамані і Туапсэ ў зону на поўдзень ад грэцкай выспы Хіёс. З пачатку жніўня яшчэ тры танкеры пагрузілі амаль 100 тысяч тон у чарнаморскім порце Туапсэ і таксама накіроўваюцца да Паўночна-Эгейскіх астравоў, паводле інфармацыі LSEG.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]