У РФ мэру горада падарылі атрыбуты ўлады ў выглядзе бізуна і перніка

У сацсетках назвалі гэта «падарункам рабаўладальніку».

Дэпутаты Заканадаўчага сходу Іркуцкай вобласці падарылі новаму мэру Усць-Ілімска Эдуарду Сымонаву бізун і пернік, назваўшы іх «атрыбутамі ўлады», а таксама Канстытуцыю Расеі. Падарункі былі ўручаныя на цырымоніі ўступлення на пасаду кіраўніка горада.

Кіраўніца аддзела сувязяў з грамадскасцю адміністрацыі Усць-Ілімска Аляксандра Мысік адказала на просьбу тэлеграм-канала «Подъем» пракаментаваць ацэнку здарэння ў сацсетках, як «падарунак рабаўладальніку». Яна палічыла такія параўнанні недарэчнымі.

«Я мяркую, што такі падарунак сімвалізуе, што ў нейкіх пастановах трэба быць больш жорсткім, а недзе, напэўна, больш лаяльным. Так можна ўспрымаць, я думаю», - выказала яна сваё меркаванне.

У 2020 годзе дэпутаты паднеслі такі ж падарунак — бізун і пернік — губернатару Ігару Кобзеву на дзень нараджэння, пісаў IrkutskMedia. «Гэта пернік для жыхароў Іркуцкай вобласці, для дэпутатаў. А гэта бізун для чыноўнікаў і ўсяго астатняга», — патлумачыў тады старшыня Заксабрання Аляксандр Вядзернікаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]