Украінскія шахматысты заклікалі ФІДЭ не вяртаць беларусаў на спаборніцтвы

Гросмайстры накіравалі афіцыйны ліст сваім калегам.

Украінскія шахматысты заклікалі Генеральную асамблею ФІДЭ не разглядаць пытанне аб вяртанні прадстаўнікоў Расеі і Беларусі на спаборніцтвы.

Гросмайстры накіравалі афіцыйны ліст сваім калегам. Ён быў апублікаваны ў сацсетках Федэрацыі шахмат Украіны, паведамляе «Люстэрка тыдня».

«Як вам вядома, Генеральная асамблея разгледзіць магчымасць зняцця санкцый супраць расейскай і беларускай шахматных федэрацый. Мы мяркуем, што абмяркоўваць гэтае пытанне не толькі заўчасна, але і глыбока амаральна, улічваючы цяперашнія абставіны, якія закранаюць нашу радзіму і міжнародную супольнасць агулам.

Калі ласка, націсніце на вашыя нацыянальныя федэрацыі, каб гэтая тэма нават не была ўключаная ў парадак дня для абмеркавання. Падтрымайце шахматную супольнасць Украіны і пацярпелых ад канфлікту. Давайце калектыўна бараніць каштоўнасці свету, цэласнасці і павагі ў нашай шахматнай супольнасці.

Разам мы зможам бараніць тое, што правільна. Шахматная супольнасць заўсёды была маяком адзінства і сілы, і зараз самы час прадэманстраваць гэтую салідарнасць. Мы верым, што вы далучыцеся да нас у нашым звароце і дапаможаце абараніць прынцыпы, якія нам дарагія. Дзякуй за разуменне і падтрымку», - сказана ў лісце.

Свае подпісы пад зваротам паставілі Аляксандр Бяляўскі, Наталля Букса, Яўгенія Далуханава, Іна Гапоненка, Васілія Іванчук, Антон Корабаў, Руслан Панамароў і іншыя шахматысты.

Генеральная асамблея ФІДЭ пройдзе 21-22 верасня ў Будапешце.

Варта адзначыць, што раней Камісія па этыцы ФІДЭ пастанавіла скасаваць прыпыненне сяброўства РФ і замяніла гэтую санкцыю на штраф. Таксама была скасаваная вымова расейскаму прэзідэнту ФІДЭ Аркадзю Дварковічу.

Дварковіч узначальвае ФІДЭ з кастрычніка 2018 года. Да гэтага прызначэння ён быў намеснікам старшыні ўрада Расеі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]