Лукашэнка затросся

Баіцца магчымага перакрыцця транзіту праз Беларусь.

Сітуацыя з транзітам грузаў і папаўненнем бюджэту і барацьба з кантрабандай абмяркоўваліся 16 верасня падчас сустрэчы Лукашэнкі са старшынём Дзяржаўнага мытнага камітэта Уладзімірам Арлоўскім.

“Мяне цікавіць сітуацыя на мяжы з гледзішча нашых мытных органаў. Я прыгадваю сваю службу на мяжы за савецкім часам. І так падумаў перад нашай сустрэчай, што мытныя органы, ды і памежнікі, сёння ўжо нясуць службу ў зусім іншых умовах. Асабліва мытнікі, - заявіў Аляксандр Лукашэнка. - Цяпер працы дадалося значна, асабліва пасля таго, як у нас з'явіліся праблемы з Захадам. Усё ж такі мы пераарыентавалі сваю эканоміку на ўсход. Якая зараз сітуацыя ў сувязі з гэтай пераарыентацыяй таварных плыняў на ўсход і як працуе мытня?”

Кіраўнік адзначыў, што ДМК шмат робіць для таго, каб дапамагчы беларускім прадпрыемствам, рэзідэнтам у арганізацыі гандлю.

“Якая сітуацыя з транзітам нашых тавараў і як увогуле мытня ўдзельнічае ў гэтай дапамозе нашым прадпрыемствам?” - спытаў ён.

Другое пытанне - мытных плацяжоў і папаўнення бюджэту краіны - Лукашэнка назваў адным з найважнейшых. Ён пацікавіўся, якая дынаміка ў гэтым плане ў параўнанні з мінулымі перыядамі і мінулым годам.

“Трэці - пытанне бяспекі. Мытня адыгрывае найважнейшую ролю ў забеспячэнні бяспекі - як дзяржавы, так і нашых грамадзян. Што ў нас з кантрабандыстамі? - падае словы Лукашэнкі ягоная прэс-служба.

Дыктатар са страхам адазваўся аб пагрозах перакрыць транзіт праз Беларусь і заявіў аб "шаленстве" беларускіх суседзяў на захадзе, якія прынялі шэраг пастаноў аб закрыцці пунктаў пропуску. Так, на беларускай мяжы цяпер функцыянуюць толькі пяць аўтадарожных пунктаў пропуску з 26 - па два на польскім і літоўскім кірунку і адзін - на латвійскім.

“Натуральна, можна было адмахнуцца ад гэтага, сказаць, што санкцыі ўвялі, не гандлюем так з Захадам, як раней. Але ж (Беларусь. - Заўв.) транзітная краіна. Таму для нас гэтая ацэнка важная. Вось як паўднёвыя межы і заходнія ў параўнанні? Ваш пункт гледжання, ваш погляд, асабліва ў перспектыву на будучыню”, - сказаў Лукашэнка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]