Дзевяць буйных расейскіх гарадоў апынуцца ў зоне знішчэння заходніх ракет

ISW паказаў карту.

Дзевяць буйных расейскіх гарадоў з сумарным насельніцтвам 4,7 мільёна чалавек патрапяць у радыус знішчэння дальнабойных заходніх ракет, у выпадку, калі Кіеў атрымае дазвол на ўдары ўглыб Расеі, вынікае са звестак амерыканскага Інстытута вывучэння вайны (ISW).

Паводле карты, якую публікуе ISW, у зоне ўдараў апынуцца два-гарады мільённікі: гэта Растоў-на-Доне (насельніцтва 1,14 млн чалавек) і Варонеж (1,046 млн).

Акрамя таго, заходнія ракеты змогуць дацягнуцца да Курска (насельніцтва 436000 чалавек), які ў цяпер знаходзіцца па-за зонай дасяжнасці ракетных сістэм HIMARS, якія маюць далёкасць да 77 км. Таксама пад ударамі дальнабойнай зброі могуць быць абласныя цэнтры Арол і Бранск, з насельніцтвам 296 тысяч і 373 тысячы чалавек адпаведна, і размешчаны на беразе Азоўскага мора Таганрог (245 тысяч чалавек).

На лімітавай далёкасці амерыканскіх ракет ATACMS (300 км), зняць абмежаванні на якія заклікае Украіна, знаходзяцца таксама Ліпецк (486 тысяч чалавек), Смаленск (312 тысяч) і Калуга (329 тысяч). Пры гэтым брытанскія ракеты Storm Shadow, якія маюць далёкасць да 250 км, да гэтых гарадоў могуць не дацягнуцца, вынікае з карты ISW.

На тэрыторыі, якая трапляе ў радыус знішчэння заходняй дальнабойнай зброі, знаходзяцца не менш як 245 ваенных аб'ектаў Расеі, падлічылі ў ISW. Сярод іх - 16 аэрадромаў расейскай ваеннай авіяцыі, а таксама месцы базавання расейскіх часцей, штабы, камандныя пункты, вайсковыя заводы і склады паліва.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]