У Польшчы і Чэхіі фіксуюць сур'ёзныя паводкі

Пасля моцных дажджоў.

У Чэхіі і суседняй Польшчы зафіксаваныя паводкі, выкліканыя моцнымі залевамі, якія працягваліся ўсю ноч, паведамляе «Еўрапейская праўда».

Сілы ў надзвычайных сітуацыях у абедзвюх краінах рыхтаваліся да непагадзі з пятніцы.

Моцныя дажджы ў Чэхіі выклікалі ўздым ўзроўню вады ў рацэ Эльба. Улады абвесцілі трэці ўзровень небяспекі паводкі для амаль 20 рэк і ручаёў.

Сяло Мікулавіцэ каля польскай мяжы было затопленае раніцай.

У паўднёвым горадзе Чэску Будзяёвіцы ратавальнікі з вечара пятніцы ўстанаўліваюць супрацьпаводкавыя бар'еры ўздоўж рэк Малой і Влтавы.

У Празе поўным ходам ідзе падрыхтоўка да чаканага разліву Влтавы, уздоўж берагоў ракі ўзводзяцца супрацьпаводкавыя бар'еры, таксама прыпынена суднаходства.

Паводле прагнозаў метэаролагаў, узровень вады ў рэках Чэхіі працягне падвышацца на працягу выходных.

У той жа час на паўднёвым захадзе Польшчы ў Апольскім ваяводстве выйшла з берагоў рака Бяла-Глухаласка.

Амаль 400 жыхароў вёскі Глухалазы, што паблізу чэшскага горада Мікулавіцэ, прыйшлося эвакуяваць.

Міністр унутраных спраў Томаш Семаняк наведаў месца здарэння. З ягоных слоў, у сяло было накіравана амаль 100 ратавальнікаў і 60 паліцэйскіх.

Частку жыхароў вёскі Мораў таксама давялося эвакуяваць, бо там выйшла з берагоў рака Мора. У цэлым пажарная служба адрэагавала на 400 выклікаў у рэгіёне.

Польскі метэаралагічны інстытут чакае, што дажджы працягнуцца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]