Экспэрт: Узровень даверу да дзеянняў цэнтральнай улады РФ упаў да мінімуму

Пра гэта сведчыць настрой ў Курскай і Белгародскай абласцях.

Настроі ў Курскай, Белгародскай абласцях РФ сведчаць аб тым, што ўзровень даверу да дзеянняў цэнтральнай улады ўпаў да катастрафічнага мінімуму. Пра гэта ў эфіры тэлеканала FREEДОМ сказаў украінскі ваенна-палітычны аналітык Дзмітрый Снегіроў.

Паводле ягоных слоў, такія настроі ўжо можна адсачыць не толькі ў памежных рэгіёнах Расейскай Федэрацыі.

«Расейская ўлада вымушаная была толькі ў Курскай вобласці фактычна прымусова вывезці блізу 200 тысяч так званых унутраных перасяленцаў. Пагадзіцеся, калі такое паняцце становіцца ўжо вядома шырокаму расейскаму грамадству, то, адпаведна, настрой мяняецца супрацьлегла», — адзначыў аналітык.

Да таго ж, мяркуе Снегіроў, падобны характар настрояў у расейскім грамадстве ўзмацняюць паспяховыя ўдары Сіл абароны Украіны па вайсковых аб'ектах, аэрадромах, нафтабазах у глыбіні РФ.

«Гаворка ідзе аб нанясенні ўдараў па базах назапашвання, нафтаперапрацоўчых прадпрыемствах у глыбінных раёнах Расейскай Федэрацыі. І калі расейцы разумеюць, што яны не абароненыя ад слова абсалютна, нават на тэрыторыі Мурманскай вобласці, гэта 1 800 кіламетраў ад лініі баявога судотыку, ні пра які давер да расейскага дыктатара ўжо гаворка не ідзе», - падкрэсліў спікер.

Снегіроў не выключае, што Пуцін дзеля дасягнення мэт так званай «СВА» ва Украіне гатовы аддаць расейскія рэгіёны, не толькі Курскую вобласць. Крамлёўскі дыктатар сам пацвярджае магчымасць пашырэння зоны прысутнасці Сіл абароны Украіны на тэрыторыі РФ.

«На апошняй нарадзе з сілавікамі і губернатарамі прымежных раёнаў Пуцін заявіў губернатару Бранскай вобласці, маўляў, рыхтуйцеся, у вас будзе паўтарэнне Курскага сцэнару. Вось гэта аб'ектыўная ацэнка магчымасцяў Сілы абароны Украіны ў плане пашырэння зоны прысутнасці непасрэдна на тэрыторыі Расейскай Федэрацыі. Таму я яшчэ раз падкрэсліваю: пашырэнне зоны бяспекі - гэта найбліжэйшая перспектыва. Паспяховыя дзеянні УСУ ў Курскай вобласці сведчаць аб тым, што ў Сіл абароны дастаткова аператыўных рэзерваў для рэалізацыі падобнага сцэнару», - рэзюмаваў экспэрт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]