Байдэн і Стармер сустрэліся і паслалі выразны сігнал Пуціну

Падчас перамоў лідараў ЗША і Брытаніі тэма Украіны была адной з асноўных.

У пятніцу, 13 верасня, у Вашынгтоне прайшла сустрэча прэзідэнта ЗША Джо Байдэна і прэм'ера Вялікабрытаніі Кіра Стармера. У ходзе перамоў тэма Украіны была адной з асноўных.

Дэталі апублікаваны на сайце Белага дома.

Паведамляецца, што лідары старанна і глыбока абмеркавалі пытанні замежнай палітыкі, якія маюць асаблівую цікавасць для іх краін. Размова найперш ішла аб Украіне і расейскай агрэсіі. Байдэн і Стармер падкрэслілі чарговым разам, што іх падтрымка Кіева непахісная.

"Яны выказалі сур'ёзную ўстурбаванасць у сувязі з пастаўкамі Іранам і КНДР смяротнай зброі Расеі, а таксама падтрымкай Кітаем расейскай ваеннай машыны", — гаварылася ў паведамленні адміністрацыі прэзідэнта ЗША.

Вядома, што лідары таксама абмеркавалі зняцце абмежаванняў з Украіны на выкарыстанне дальнабойнай заходняй зброі на тэрыторыі РФ.

Са звестак выдання The Guardian, гэтая тэма была адной з асноўных і была прынятая прынцыповая пастанова дазволіць Украіне біць па вайсковых аб'ектах у РФ ракетамі Storm Shadow. Бакі не сталі афіцыйна гэта абвяшчаць.

Стармер пасля перамоў намякнуў журналістам, што важных пастаноў і заяў варта чакаць пасля пасяджэння Генеральнай асамблеі ААН у канцы верасня.

"Мы прыйшлі да моцнай пазіцыі", - сказаў брытанскі прэм'ер.

На сустрэчы прэзідэнт ЗША даслаў сігнал расейскаму дыктатару Уладзіміру Пуціну. Ён падкрэсліў, што Расеі не дадуць атрымаць перамогу ў вайне супраць Украіны.

"Пуцін не пераможа", – сказаў амерыканскі лідар.

Вядома, што на сустрэчы Байдэн і Стармер таксама абмеркавалі ваайсковую аперацыю Ізраіля ў Газе, тэрарызм іранскіх проксі ў Чырвоным моры, энэргетычнае супрацоўніцтва і іншыя важныя тэмы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]