Прэзідэнт Літвы: Глядзім на Беларусь без ілюзій

Літоўскі прэзідэнт назваў нашу краіну «крыніцай рызык».

Прэзідэнт Літвы Гітанас Наўседа заявіў, што хаўрусніца Расеі Беларусь застаецца крыніцай рызык, і Вільня будзе патрабаваць далейшых абмежаванняў супраць гэтай дзяржавы.

Пра гэта Наўседа сказаў на прэс-канферэнцыі з Уладзімірам Зяленскім у чацвер, паведамляе «Еўрапейская праўда».

Наўседа зазначыў, што на тэрыторыі Беларусі Расея праводзіць вучэнні і ажыццяўляе адтуль наступленне на ўкраінскую тэрыторыю. Таксама ён нагадаў, што рэжым Лукашэнкі арганізавана накіроўвае нелегальных мігрантаў на літоўскую тэрыторыю ў намаганнях дэстабілізаваць сітуацыю.

«Мы паспяхова супрацьдзейнічалі такім спробам, але гэта не значыць, што Беларусь не спрабуе рабіць гэтага і надалей. Але гэтыя аперацыі проста перамясціліся да мяжы з Польшчай, і ні Польшча, ні ЕЗ не могуць гэтага трываць. Таму мы глядзім на гэтую дзяржаву без ілюзій і разумеем, што гэта яшчэ адна крыніца рызык для ўсіх нас», - падкрэсліў Наўседа.

Ён дадаў, што Літва заўсёды на форумах ЕЗ агітуе за тое, каб у дачыненні да Беларусі ўжываліся тыя ж санкцыі, як і ў дачыненні да Расеі.

«Нядаўна ў ЕЗ быў прыняты яшчэ адзін пакет санкцый супраць Беларусі, і гэта не канец. Мы павінны патрабаваць яшчэ больш строгай ацэнкі Беларусі, улічваючы сітуацыю», - сказаў прэзідэнт Літвы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]