Беларусу, які галадае ў Клайпедзе, могуць аддаць аўтамабіль

Паступіла цікавая прапанова ад кампаніі-перавозчыка.

Як вядома, блізу 4000 аўтамабіляў захраслі ў клайпедскім порце праз санкцыі. Хтосьці з іх уладальнікаў разважыў, што будзе лепш патраціцца на альтэрнатыўны шлях (а гэта каштуе €5000-5500), і ўжо ўвёз аўтамабіль праз Грузію ці Турцыю, хтосьці проста чагосьці чакае, а беларус Рыгор Алексіевіч наважыўся на радыкальныя меры, расказвае журналістка abw.by Марына Ажгірэй.

Прыехаўшы ў Клайпеду, ён абвясціў галадоўку і зладзіў адзіночны пікет з заклікам да літоўскіх уладаў дапамагчы ў развязанні пытання з вывазам аўтамабіляў. Як пісаў ABW, Рыгор Алексіевіч галадае з 8 верасня. Учора, 11 верасня, ён запісаў відэа, у якім паведаміў, што ёсць навіна, якая дае яму надзею.

«11 верасня мне з раніцы паступіла цікавая прапанова ад кампаніі-перавозчыка. Прапанавалі перавезці мой аўтамабіль на тэрыторыю порта, сказалі, што дырэктар порта дэталёва разгледзіць мой кейс, і ёсць надзея, што выпусцяць наўпрост у Беларусь, - кажа Рыгор Алексіевіч. - Праўда, ёсць сякія-такія моманты, не задавальняюць некаторыя дакументы, але гэта ўсё можна паправіць. Ёсць надзея. Мае намаганні не марныя, спадзяюся».

Таксама ён адзначыў, што сёння плануе крыху перадыхнуць і прадоўжыць свой пратэст. «Я ім сказаў, што калі аўто не выпускаюць, я не спыняюся. Вольна ці мімаволі я ўжо не належу сабе. Я думаю, хутка ў нас могуць быць добрыя навіны. Будзем рабіць усё магчымае і спадзявацца на лепшае», - сказаў Рыгор Алексіевіч.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]