9 жніўня – дзень беларускага народа

Беларусы прынялі пастанову пазбавіцца ад Лукашэнкі.

У жніўні 2020 года беларусы бліжэй за ўсё былі да перамогі над калгасным фашызмам імя лукашэнкі.

Сістэма салідарнасці, якая зарадзілася ў 2010 годзе, пасля разгону Плошчы, адужэла, памужнела, справілася з кавідам, і гатова была вытрымаць любыя ўдары апрычнікаў расейскай марыянеткі лукашэнкі.

Як і раней, напярэдадні рэвалюцыйных падзей, рэжым засылаў у апазіцыю агентуру, паліваў лідараў супраціву брудам, рыхтаваў войска фальсіфікатараў, у тым ліку некаторых асобаў, якім сёння загадана назваць сябе апазіцыяй.

Незвычайна заўчасныя арышты лідараў пратэстаў, задоўга да даты "выбараў" сведчылі аб тым, што калгасная ўлада трасецца ўсімі сваімі паджылкамі і сіпіць ад страху.

Ім было чаго баяцца.

Народ паўстаў самым рашучым, хоць і самым мірным чынам.

Народ прыняў пастанову пазбавіцца ад лукашэнкі.

Рэжымныя ператрухалі, асабліва калі пасля забойстваў першых дзён народ не спыніўся.

Калі пасля здрады самазваных лідэраў, народ плюнуў на іх і працягнуў змагацца за сваю будучыню, дэманструючы беспрэцэдэнтную мужнасць.

Мы пераможам, 20-ы год не скончыўся, як бы яго ні спрабавалі скрасці ў нас лукашысты, самазванцы, некаторыя заходнія лукашэнкаферштэйнеры і іншыя дамарослыя “аналітыкі”.

Мы пераможам, 20-ы год – гэта не проста чарговы этап нашай барацьбы, а трывалы падмурак для апошняй пстрычкі па прусаках, якія абселі Беларусь унутры і звонку.

Жыве Беларусь!

Жыве народ Беларусі!

Андрэй Саннікаў «Фэйсбук»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]