Адкуль рыхтаваўся напад?

Ніхто не жадае нападаць на беларускіх генералаў, якія так далёка.

У святле абставін у Курскай вобласці раптоўнае зняцце напружання на паўднёвых рубяжах месяц таму зайграла новымі фарбамі. Ну, ты ж у курсе: у кагосьці ёсць карты. Таму сёй-той заўсёды ведае, адкуль рыхтаваўся напад. Ён, можа, не заўсёды ведае, куды рыхтаваўся напад. Але адкуль рыхтаваўся, павінен ведаць.

А калі ты ведаеш, адкуль рыхтуецца напад, дык галоўнае ў гэтым жыцці што? Галоўнае, каб незнарок не напалі на цябе. Таму ад месца адкуль рыхтуецца напад лепш, вядома, трымацца далей.

Вось захацелі б УСУ напасці на паўднёвыя рубяжы, а на паўднёвых рубяжах пуста. Усе сышлі. Нападаць няма на каго. УСУ паглядзелі, што нікога няма і нападаць не сталі. Пайшлі нападаць туды, дзе ёсць.

А беларускія генералы пайшлі праводзіць вучэнні на паўночным захадзе Беларусі. Гэта значыць на максімальна разважлівым аддаленні ад патэнцыйнага тэатра ваенных дзеянняў. Таму што калі зараз УСУ раптам усё адно захочуць напасці, то ім жа да паўночнага захаду Беларусі яшчэ трэба дайсці.

А ніхто не хоча нападаць на беларускіх генералаў у такую далеч. Бо калі напасці на беларускіх генералаў, то можна неспадзявана захапіць што-небудзь такое, што потым не будзеш ведаць, куды падзець.

Так што сёй-той зняў напружанне разважліва і своечасова. І зараз беларускія генералы зноў могуць абараняць флангі і тылы саюзніка ад любога віртуальнага супраціўніка. А калі б не зняў, дык, можа, яшчэ саюзніку прыйшлося б лішні раз адцягваць войскі, каб абараніць беларускіх генералаў.

І я хачу табе сказаць, што прэтэнзіі саюзніка да сяго-таго за зняцце напружання не маюць пад сабой ніякіх фармальна-юрыдычных падстаў. Мне тут адзін добры чалавек нагадаў, што ніякай вайны ў саюзніка да гэтага часу няма. Вось варожыя войскі на тэрыторыі Курскай вобласці ёсць. І надзвычайнае становішча ў Курскай вобласці таксама ёсць. А вайны няма. Ёсць толькі спецыяльная ваенная аперацыя.

А калі няма вайны, дык якія ў саюзніка могуць быць прэтэнзіі? Вось была б у саюзніка вайна і сёй-той адразу, літаральна не разважаючы, нікуды нічога не адкладаючы, прыйшоў бы саюзніка на дапамогу. А калі вайны няма, а ёсць толькі СВА, дык навошта кудысьці прыходзіць? Прыходзіць на СВА сёй-той не падпісваўся.

Ты спачатку вайну абвясці. А потым ужо патрабуй выканання саюзніцкага абавязку. Вось тады сёй-той і будзе думаць, з якой канкрэтна прычыны ён гэты абавязак не можа выканаць. А пакуль саюзнік не абвяшчаў вайну тут нават думаць няма пра што. Няма для таго, каб думаць, ніякіх фармальна-юрыдычных падстаў.

Таму сёй-той можа здымаць сабе напружанне дзе захоча і калі захоча. І нікому не абавязаны ў гэтым даваць справаздачу.

Telegram «Лісты да дачкі»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]