Беларускіх вайскоўцаў і тэхніку адпраўляюць у Расею
76- 7.08.2024, 16:09
- 87,550
![Беларускіх вайскоўцаў і тэхніку адпраўляюць у Расею](https://i.c97.org/ai/605850/aux-head-1723036060-20240807_army_bel_360.jpg)
З чым звязанае перамяшчэнне тэхнікі і жывой сілы?
Вайскоўцаў 56-га зенітнага ракетнага палка і 8-й радыётэхнічнай брыгады сёння адправілі з Лунінца на расейскі палігон Ашулук у Астраханскай вобласці. Там яны возьмуць удзел у тактычных вучэннях, піша «Медиа-Полесье».
![](https://i.c97.org/ai/605850/aux-1723036179-d1bf2079-478c-4db6-9090-66f51f080854-800x533-1-7tctj.jpeg.jpg)
Двума днямі раней лунінецкія ўлады абвясцілі аб правядзенні вучэнняў у пагрузцы вайсковай тэхнікі на чыгуначныя платформы. Паведамлялася, што дзеянні вайскоўцаў праходзілі ў рамках адпрацоўкі элементаў баявой падрыхтоўкі.
![](https://i.c97.org/ai/605850/aux-1723035961-photo_2024-08-07_09-25-01-e8117.jpg.jpg)
![](https://i.c97.org/ai/605850/aux-1723035961-photo_2024-08-07_09-44-29-oa87d.jpg.jpg)
56-ы элітны ракетна-зенітны полк размяшчаецца на Лунінецкім аэрадроме з поўнамаштабнага ўварвання расейскіх войскаў ва Украіну.
Таксама вядома, што ў Ашулук адпраўляюць авіятэхніку і лётныя экіпажы з Баранавічаў.