Камала Гарыс адмовілася ад дэбатаў на ўмовах Дональда Трампа
43- 3.08.2024, 22:33
- 25,668
Пра гэта заявіў дырэктар у камунікацыях кампаніі Гарыс Майкл Тайлер.
У камандзе віцэ-прэзідэнткі ЗША Камалы Гарыс заявілі, што не пагодзяцца на прапанову кандыдата ў прэзідэнты Дональда Трампа пра дэбаты, якія будзе мадэраваць тэлеканал Fox News.
Пра гэта сказаў дырэктар у камунікацыях кампаніі Гарыс Майкл Тайлер, якога цытуе CBS News, піша «Еўрапейская праўда».
Раней у суботу кампанія Гарыс заявіла, што «Дональд Трамп уцякае напалоханы», спадзеючыся, што Fox News «уратуе яго» ад дэбатаў, пра якія ён ужо дамовіўся з ABC News.
«Яму трэба перастаць гуляць у гульні і з'явіцца на дэбаты, на якія ён ужо пагадзіўся 10 верасня», – заявіў Тайлер.
Ён дадаў, што віцэ-прэзідэнтка Гарыс у любым выпадку будзе прысутнічаць у эфіры ABC News, «каб скарыстацца магчымасцю пагутарыць з нацыянальнай аўдыторыяй у прайм-тайм».
Тайлер сказаў, што кампанія адкрытая для абмеркавання далейшых дэбатаў, але толькі пасля таго, як адбудуцца дэбаты, на якія абедзве кампаніі ўжо пагадзіліся.
«Містар "Калі заўгодна, дзе заўгодна, у любым месцы" не павінен мець з гэтым ніякіх праблемаў, калі толькі ён не надта баіцца з'явіцца 10-га дня», – дадаў прадстаўнік штаба Гарыс.
Трамп заявіў у пятніцу, што пагадзіўся на дэбаты з віцэ-прэзідэнткай Камалай Гарыс 4 верасня на мерапрыемстве, якое будзе мадэраваць тэлеканал Fox News.
Нагадаем, што 2 жніўня віцэ-прэзідэнт ЗША Камала Гарыс набрала дастатковую колькасць галасоў ад дэлегатаў Дэмакратычнай партыі, каб атрымаць намінацыю на прэзідэнцкія выбары.
Канчатковыя вынікі галасавання дэлегатаў Дэмпартыі стануць вядомыя ў ноч на аўторак, 6 жніўня, паводле Менску.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
