Над атамнымі станцыямі Нямеччыны знайшлі расейскія дроны

Што вядома.

Пракуратура нямецкага горада Фленсбург пачала расследаванне пралёта расейскіх беспілотнікаў над спыненай атамнай станцыяй, паведамляе BILD.

Інцыдэнты адбыліся ў жніўні ў прамысловай зоне ў зямлі Шлезвіг-Гальштэйн, дроны на высокай хуткасці праляцелі над тэрыторыяй, дзе акрамя спыненай АЭС, размяшчаецца тэрмінал ЗПГ і хімічныя заводы. Са звестак інфармаваных крыніц выдання, паліцыя рэгіёну была прыведзеная ў баявую гатоўнасць. Яны паведамілі, што беспалётная зона была парушаная некалькі разоў. Як мяркуецца, гэтую зону перасек вайсковы беспілотнік.

"Пракуратура Фленсбурга пацвярджае распачынанне папярэдняй справы паводле падазрэння ў агентурнай дзейнасці з мэтай сабатажу ў сувязі з неаднаразовымі палётамі беспілотнікаў над найважнейшымі аб'ектамі інфраструктуры ў Шлезвіг-Гальштэйне", – паведаміў выданню старшы пракурор Бернд Вінтэрфельд.

З інфармацыі BILD, палёты беспілотных апаратаў фіксуюцца з 8 жніўня, паводле папярэдніх звестак, дроны маглі запускаць расейскія агенты з суднаў у Паўночным моры. Супрацоўнікі Службы дзяржаўнай бяспекі ФРГ мяркуюць, што неапазнаныя беспілотнікі - "Арлан-10", якія маюць радыус дзеяння ад 500 да 600 кіламетраў і лётаюць з хуткасцю больш за 100 км/г. Сілавікі мяркуюць, што іх маглі выкарыстоўваць у мэтах дыверсіі.

14 жніўня дзве вайсковыя базы былі зачыненыя ў Нямеччыне ў сувязі з магчымымі дыверсіямі на аб'ектах. Як распавялі суразмоўцы Spigel, невядомыя праніклі на авіябазу ў Кёльне, дзе маглі атруціць ваду ў аўтаномным вадаправодзе. На гэтай базе, сярод іншага, размешчаная штаб-кватэра Паветранага флоту ўрада Нямеччыны, які ўваходзіць у структуры Мінабароны ФРГ.

Са звестак Sueddeutsche Zeitung, другая вайсковая база, дзе магла адбыцца дыверсія, знаходзіцца ў горадзе Гайленкірхен. Дыверсія таксама можа быць звязана з атручэннем пітной вады, зазначае выданне.

Нядаўнія падзеі ў Еўропе пацвярджаюць актывізацыю расейскай агентуры. Так, у красавіку ў Вялікабрытаніі двум мужчынам былі выстаўленыя абвінавачанні ў падпале склада з узбраеннем для Украіны. У Швэцыі расследуюць чыгуначныя дыверсіі, учыненыя "замежнай дзяржавай". У Чэхіі расейскія агенты спрабавалі вывесці са строю сігнальныя сістэмы на чыгунцы.

У Нямеччыне ўвесну былі арыштаваныя грамадзянін Расеі і грамадзянін ФРГ за падрыхтоўку падпалу склада з грузамі для Украіны, а ў Эстоніі расейскую выведку выкрылі ў датычнасці да актаў вандалізму ў дачыненні да аўтамабіляў палітыкаў і журналістаў.

У траўні спецслужбы ЕЗ паведамілі аб падрыхтоўцы РФ дыверсій на тэрыторыі Еўропы, уключаючы выбухі і падпалы. У Еўразвязе тады падкрэслілі, што расейскія агенты гатовыя дзейнічаць “больш скаардынавана і агрэсіўна”, чым раней.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]