Літва адкрыла першы парк контрмабільнасці на мяжы з Беларуссю

Ён уключае ў сябе «зубы дракона», «гішпанскія коні» і іншыя элементы блакавання дарог.

На палігоне імя Жукаўскаса ў Пабрадзе, недалёка ад мяжы з Беларуссю, адкрыўся першы парк контрмабільнасці, паведамляе BNS. Гэты парк абсталяваны разнастайнымі сродкамі для блакавання і перашкоды руху, такімі як «зубы дракона», супрацьтанкавыя вожыкі, «гішпанскія коні» і іншымі элементамі.

Паводле інфармацыі выдання, у адным такім парку змяшчаецца дастаткова абсталявання, каб перакрыць ад шасці да васьмі патэнцыйных шляхоў пранікнення супраціўніка, у залежнасці ад шырыні дарогі і яе пакрыцця.

Міністр абароны Літвы Лаўрынас Кашчунас адзначыў, што выкарыстанне такіх тэхналогій значна ўзмоцніць абаронны і стрымальны патэнцыял краіны, а таксама гарантуе бяспеку межаў з Беларуссю і Расеяй.

Паведамляецца, што да 1 красавіка 2025 года Літва мае намер стварыць 27 такіх паркаў кантрамабільнасці на ключавых адцінках уздоўж мяжы з Беларуссю і Калінінградскай вобласцю Расеі.

Акрамя таго, у рамках узмацнення захадаў супрацьдзеяння, плануецца паглыбленне меліярацыйных канаў, стварэнне алей уздоўж дарог, а таксама захаванне існых лясных масіваў на адлегласці да 20 кіламетраў ад мяжы. Цягам трох гадоў на гэтыя захады і адаптацыю інфраструктуры плануецца выдзеліць амаль 17,5 мільёна еўраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]