Украінскія дроны атакавалі цэнтр радыётэхнічнай выведкі РФ пад Масквой
3- 22.08.2024, 7:34
- 23,686
Буданаў раскрыў дэталі аперацыі.
Украіна правяла атакі дронамі на цэнтр радыётэхнічнай выведкі і аэрапорт у Падмаскоўі, а таксама на расейскую авіябазу ў Растоўскай вобласці. Пра гэта распавёў кіраўнік ГУВ Мінабароны Украіны Кірыл Буданаў выданню The War Zone.
У матэрыяле гаворыцца, што ў сетцы таксама распаўсюджваюцца кадры, на якіх можна ўбачыць удар БПЛА паблізу авіябазы «Аленья» ў Мурманску, дзе базуецца расейскія стратэгічныя бамбавікі за Палярным кругам.
"Сёння мы правялі некалькі аперацый з выкарыстаннем беспілотнікаў", - распавёў Буданаў.
Паводле ягоных слоў, былі таксама атакаваныя аэрапорт "Астафьева” і авіябаза “Мілерава". Усяго было задзейнічана блізу 50 беспілотнікаў. Маштабы шкоды на гэты момант няясныя.
"Цяпер мы праводзім праверку", - адзначыў Буданаў.
Выданне піша, што аэрапорт “Астафьева” выконвае некалькі функцый для расейскага Мінабароны, а ў 2018 годзе там была пабудаваная пара масіўных колавых антэнных кратак. Таксама магчыма, што замест іх быў знішчаны іншы цэнтр радыётэхнічнай выведкі ў аэрапорце або каля яго.
Пры гэтым Буданаў падчас размовы з журналістамі не ўдакладніў, дзе знаходзіцца атакаваны цэнтр радыётэхнічнай выведкі.
Moscow Mayor Sergey Sobyanin reports that all ten Ukrainian drones targeting Moscow were intercepted, marking the most massive drone attack in the city's history. He says all of the drones were shot down while approaching the capital, neutralized by the city's layered defense… pic.twitter.com/SSahnjWQxy
— Tymofiy Mylovanov (@Mylovanov) August 21, 2024
Пры гэтым у РФ сцвярджаюць, што збілі нібыта ўсе беспілотнікі, якія накіроўваліся ў Маскву і іншыя рэгіёны краіны.
Буданаў жа распавёў, што папярэдняя атака ўкраінскіх беспілотнікаў на расейскі аэрапорт “Саваслейка” прывяла да знішчэння перахопніка МіГ-31 і двух транспартных самалётаў Іл-76. Тады авіябаза была атакаваная прыкладна 10 беспілотнікамі.
У матэрыяле гаворыцца, што ўсе раёны, якія зазналі напад ноччу, ужо былі атакаваныя раней. Так, налёты БПЛА адбываліся на Маскву дагэтуль. Апошняя атака на авіябазу "Мілерава" адбылася ў ліпені. А "Астафьева" быў атакаваны ў красавіку