У Беларусі ўводзяць новы школьны факультатыў
21- 21.08.2024, 9:20
- 7,370
Да ягонай распрацоўкі прыклала руку БПЦ.
У Беларусі ў школах уводзяць факультатыў, распрацаваны супольна з Беларускай праваслаўнай царквой. Яго назвалі "Асновы духоўна-маральнай культуры і патрыятызму", заўважыла "Еўрарадыё".
Разлічаны ён на вучняў 8 ці 9 класаў. Мінадукацыі зацвердзіла навучальную праграму новага факультатыва. Адпаведная пастанова з’явілася на Нацыянальным прававым інтэрнэт-партале РБ. Яна пачынае дзейнічаць адразу пасля афіцыйнай публікацыі.
У дакуменце зазначаецца, што вучэбная праграма з'яўляецца працягам факультатыўных заняткаў для навучэнцаў 5-7 класаў. Яна складаецца з 35 гадзін. Заняткі будуць праводзіцца адзін раз на тыдзень.
Мэта рэалізацыі вучэбнай праграмы называецца "спрыянне духоўнаму развіццю, фармаванню маральнай культуры і патрыятызму вучняў на аснове выкарыстання патэнцыялу хрысціянскіх традыцый і каштоўнасцей беларускага народа".