Спецназаўцы СБУ ў Курскай вобласці ўзялі ў палон больш за сотню вайскоўцаў РФ

Сярод іх ёсць афіцэры «Ахмата».

Кіраўнік Службы бяспекі Украіны Васіль Малюк заявіў, што падчас баёў у Курскай вобласці РФ спецназаўцы ЦСА СБУ ўзялі ў палон больш за сотню вайскоўцаў РФ, сярод якіх афіцэры і прадстаўнікі падраздзялення Ахмат.

Пра гэта паведамляе прэс-служба СБУ ў чацвер, 15 жніўня.

«Учора намі была праведзеная філігранная аперацыя, у выніку якой 102 расейцы трапілі ў палон», – паведаміў Малюк.

У СБУ адзначылі, што разам з Сіламі абароны актыўна працуюць над папаўненнем абменнага фонду, беручы ў палон расейскіх вайскоўцаў на полі бою.

Малюк адзначыў, што вяртанне ўкраінскіх вайскоўцаў з'яўляецца «звышпрыярытэтнай задачай», пастаўленай прэзідэнтам Украіны Уладзімірам Зяленскім.

Паводле словаў кіраўніка СБУ, з гэтага часу пашыраецца перамоўная група, якая займалася падрыхтоўкай абменаў.

«Я ўпэўнены, што менавіта такі варыянт дасць магчымасць аб'яднаць нашыя намаганні і больш эфектыўна змагацца за кожнага абаронцы Украіны, каб вяртаць іх дадому. Менавіта сінэргія і спалучэнне нашых намаганняў хутчэй дасць адпаведны плён», – адзначыў Малюк.

Ён таксама адзначыў, што гэта датычыцца арганізацыі абменаў не толькі вайскоўцаў, але і цывільных асобаў, сярод іншых тых, хто незаконна ўтрымліваецца ў Расеі яшчэ з 2014 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]