Раман Світан: Адна з задач аперацыі УСУ звязаная з беларускімі НПЗ

Узяцце горада Суджы шмат што змяняе.

Вядомы вайсковы эксперт, палкоўнік Узброеных сіл Украіны ў запасе Раман Світан назваў сайту Charter97.org пяць задач украінскай аперацыі ў Курскай вобласці РФ:

- Першая задача, якая стаяла (і яна выкананая на 100%) - нанесці прэвентыўны ўдар па расейскай групоўцы пад Суджай, якая рыхтавалася рухацца на Сумы. Паралельна з падрыхтоўкай расейцаў да ўварвання ў Харкаўскую вобласць рыхтаваўся напад на Сумы. Праз недахоп сіл расейцы адклалі ўварванне на некалькі месяцаў, назапашвалі войскі пад Суджай, пачалі размяшчацца ў баявыя парадкі, а наша камандаванне пастанавіла нанесці прэвентыўны ўдар.

Нашы войскі, якія запасіліся для абароны Сум, у рэжыме контратакі ўдарылі па расейцах, іх разматалі і распылілі. Сотні расейцаў здаліся ў палон. Гэта задача выкананая.

Далей усё залежыць ад рэакцыі і дзеянняў расейцаў. Калі яны перакінуць дастатковую колькасць рэзерваў з Данецкай вобласці, скасуюць наступ на Пакроўск, то мы спынімся, можам нават вярнуцца ў Сумскую вобласць на абароненыя рубяжы. Тады будзе выкананая яшчэ адна задача - адцягнуць дастатковую колькасць сіл і сродкаў з усходу Украіны. Але пакуль што яны гэтага не робяць. Ціск на Пакроўск прадаўжаецца. Наступ УСУ ў Курскай вобласці спрабуюць спыніць «салянкай». Яны паскрэблі па арудах - калінінградскія часткі, крымскія, «Ахмат», разрозненыя часткі спрабуюць замарудзіць наша прасоўванне.

Яшчэ адна задача - перацяць камунікацыі. У Суджах ёсць дарога з Віцебска на Белгарад, па ёй перакідалася шмат паліва з беларускіх НПЗ. А затым яно перакідвалася на ўсход Украіны. Цяпер як мінімум давядзецца мяняць маршрут, падаўжаць яго, пастаўкі замарудзяцца.

Чацвёртая задача будзе залежаць ад расейцаў. Калі не будзе рэакцыі - мы пачнём рухацца ў бок Курскай АЭС. Будзе рэакцыя - можам спыніцца і нават вярнуцца ў Сумскую вобласць. Вядома, сам ядзерны аб'ект мы чапаць не будзем, а вось пераразмеркаванне электраэнэргіі, трансфарматары і ЛЭП можна разбурыць, калі падысці на адлегласць удараў вайсковай артылерыі - дзесьці 15 кіламетраў. Мы зараз на адлегласці 25-30 кіламетраў. Гэта яшчэ адна задача.

Пятая задача - размяшчэнне ліній баявога судакранання па мяжы з Расеяй - на Маскву. Фронт будзе не паўднёвым, як зараз, а развернецца на поўнач. У нас ёсць 600 кіламетраў мяжы з Расеяй, цяпер яе трэба выраўнаваць, зайсці на тэрыторыю РФ, стварыць фартыфікацыйныя збудаванні, «адрыцца», стварыць мінныя палі. Гэта вельмі важна, закапаць міны на расейскай тэрыторыі, каб яны атрымалі такі падарунак гадоў на 100.

- Супраць УСУ кідаюць вельмі шмат вайскоўцаў тэрміновай службы. Відавочцы паведамляюць, што ёсць шмат загінулых менавіта сярод салдат тэрміновай службы, шмат палонных. Ці паўплывае гэта на ўспрыманне вайны ў Расеі? Бо адна справа - смерць кантрактнікаў, мабілізаваных, а тут ужо жаўнеры тэрміновай службы.

- Ніяк гэта не паўплывае. У Расеі цалкам інертнае насельніцтва. Там хоць усіх вайскоўцаў тэрміновай службы адпраў. Там жа вялізная колькасць людзей без прымусу прыходзіць у вайсковыя камісарыяты і ідзе на вайну. Прычым гэтая плынь вялізная, кожны дзень у вайсковыя камісарыяты прыходзіць блізу тысячы расейцаў. Мы іх выкошваем за дзень па тысячы, а яны папаўняюць рэзервы. Таму ніякіх узрушэнняў знішчэнне жаўнераў тэрміновай службы не прынясе.

Куля - дурніца, яна не выбірае – ці жаўнер ты тэрміновай службы, ці «ахматавец». Таму варыянт толькі адзін - усе, хто будзе кінуты ў гэтую мясарубку, будуць перамолатыя. Тэрмінавікі ў тым ліку. Чаму вайскоўцаў тэрміновай службы кідаюць? Гэта тэрыторыя Расеі, федэральны закон не парушаецца. Па-другое, проста няма кім абараняць. Жаўнеры тэрміновай службы хоць у руках зброю трымалі, не паставіш жа апалчэнцаў. А перакідаць войскі з усходу Украіны расейцы не спяшаюцца. Частку падраздзяленняў перакінулі, але на ўзроўні рот, брыгады не здымалі з фронту.

- Давайце і пра Лукашэнку. Ён спачатку нібыта адвёў войскі ад мяжы з Украінай, а яго пачалі абвінавачваць у здрадзе, зараз ён нібыта перакінуў войскі (але ёсць інфармацыя, што ён толькі зрабіў бачнасць). Чаму ён так кідаецца?

- Лукашэнку не хочацца трапляць у замес і кідаць у топку беларускае войска, якое і так не самае вялікае. Гэта ў расейцаў «бабы і так нараджаюць». У Беларусі ж кожны вайсковец прафесіянал на рахунку.

Лукашэнку нявыгадна спаліць свае войскі незразумела дзе. Ён іх будзе спрабаваць прытрымаць рознымі спосабамі, спрабуючы «пятляць ад задачы». Лукашэнка «наразае завесы», як заяц ад ганчакоў. Спрабуе выскачыць з-пад ціску Пуціна. Ці атрымаецца яму? Невядома. У Пуціна катастрафічны недахоп войск на Курскім кірунку. Таму ён будзе ціснуць на Лукашэнку. Ён можа выціснуць нейкую тэхніку, боепрыпасы, а можа, нейкія мабільныя войскі, да прыкладу — штурмавыя брыгады.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]