Суўдзельнік забойства Нямцова паехаў ваяваць ва Украіну
- 10.08.2024, 13:35
- 4,948
Ён заключыў кантракт з Мінабароны РФ на год і быў памілаваны.
Тамерлан Эскерханаў, асуджаны на 14 гадоў калоніі паводле справы аб забойстве Барыса Нямцова, быў вызвалены і скіраваўся на вайну супраць Украіны. Ён заключыў кантракт з Мінабароны РФ на год, за што быў памілаваны, у той самы час іншыя асуджаныя паводле справы ад такога кантракту адмовіліся.
Пра гэта паведамляюць СМІ са спасылкай на крыніцы ў сілавых структурах РФ.
«Эскерханаў падпісаў кантракт з Мінабароны, быў памілаваны, пасля чаго яго вызвалілі з калоніі», – сказаў суразмоўца СМІ.
Вядома, што асуджаны скіраваўся ў адно са штурмавых падраздзяленняў акупацыйнага войска РФ і ўжо выконвае «баявыя задачы».
Пры гэтым іншыя асуджаныя паводле справы аб забойстве Нямцова адмовіліся ад кантракта і застаюцца ў месцах пазбаўлення волі.
У 2017 годзе Эскерханаў атрымаў 14 гадоў калоніі. Паводле версіі следства, ён вёў назіранне за расейскім апазіцыянерам і каардынаваў дзеянні выканаўцаў забойства, а потым дапамог ім пакінуць Маскву.
Нагадаем, Барыс Нямцоў быў забіты 27 лютага 2015 года шасцю стрэламі ў спіну і галаву. Гэта адбылося ўсяго праз некалькі гадзінаў пасля таго, як ён заклікаў расейцаў выйсці на марш супраць вайсковай агрэсіі РФ супраць Украіны. А на наступны дзень ён павінен быў апублікаваць свой даклад з доказамі ўдзелу войска РФ у баях на Данбасе.
Забойства Нямцова стала самым рэзанансным у серыі іншых, ахвярамі якіх сталі крытыкі рэжыму расейскага дыктатара Уладзіміра Пуціна.
У ліпені 2017 года за забойства Нямцова на замову ў складзе арганізаванай групы былі асуджаныя пяцёра чачэнцаў. Аднак заказчыка забойства расейскае следства да гэтага часу не вызначыла.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
