Байцы ГУР патапілі расейскі хуткасны катар «Тунец» у Крыме

Карабель быў падбіты марскім дронам MAGURA V5.

Украінскія выведнікі 9 жніўня знішчылі расейскі хуткасны катар «Тунец» у Крыме. Ён быў падбіты марскім дронам MAGURA V5.

Пра гэта паведамляе ГУР.

«У ноч з 8 на 9 жніўня паблізу населенага пункта Чарнаморскае ў часова акупаваным Крыме воіны спецпадраздзялення ГУР МА Украіны “Group 13” з дапамогай ударнага марскога дрона MAGURA V5 знішчылі чарговае судна расейскіх акупантаў – хуткасны катар праекту КС 701 тыпу “Тунец”», – гаворыцца ў паведамленні.

Як адзначаюць выведнікі, у выніку аперацыі пашкоджанні таксама атрымалі яшчэ тры плаўсродкі захопнікаў. Іх тып вызначаецца.

Не першы выпадак

У ГУР кажуць, што гэта ўжо не першы знішчаны ля берагоў паўвострава «Тунец». Да гэтага два расейскія «Тунцы» выведнікі знішчылі, а яшчэ два пашкодзілі ў траўні гэтага года.

Хуткасныя транспартна-дэсантныя катары праекту КС 701 захопнікі ў акупаваным Крыме выкарыстоўвалі для патрулявання акваторыі і лагістыкі.

Усяго з дапамогай марскіх дронаў украінскай вытворчасці MAGURA V5 паспяхова падбіта 18 караблёў РФ, 9 з іх – знішчаныя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]