У Маскве знайшлі мёртвым нямецкага топ-мэнэджара буйной горназдабыўной кампаніі
11- 9.07.2024, 21:49
- 16,348
Што вядома.
Нямецкі топ-мэнэджар Франк Рытнер, дырэктар аперацыйнай гатоўнасці ў ГРК «Чарнагорская», знойдзены мёртвым у адной з вежаў Масква-сіці, паведаміла крыніца РБК, блізкая да МУС. Паводле папярэдніх звестак, ён памёр у выніку сардэчнага прыступу. Раней пра смерць Рытнера паведамілі Baza і РЕН-ТВ.
Да пераходу ў ГРК «Чарнагорская» Рытнер быў намеснікам старшыні ўправы «Еўразійскай Групы», а таксама займаў кіроўную пасаду ў кансалтынгавай кампаніі PwC. Baza пісала, што раніцай топ-мэнэджар не прыйшоў на працу, выклікаўшы неспакой калегаў. Цела знайшлі пасля таго, як супрацоўнікі МНС ускрылі ягоную кватэру ў вежы Neva Towers.