Аўтобус МАЗ зноў задыміўся
9- 9.07.2024, 18:29
- 5,368
На гэты раз у Казані.
У Казані задыміўся гарадскі аўтобус вытворчасці МАЗ.
Здарылася гэта на прыпынку грамадскага транспарту. Першапачаткова мясцовыя СМІ паведамлялі пра пажар, на месца выехаў разлік ратавальнікаў.
Аднак у МНС інфармацыю пра пажар аспрэчылі. Ва ўстанове заявілі, што ў беларускім аўтобусе перагрэліся і задыміліся тармазныя калодкі.
За апошнія два гады выпадкі загаранняў аўтобусаў вытворчасці МАЗ у Беларусі і Расеі рэзка пачасціліся. У выніку продажы аўтобусаў на расейскім рынку ўпалі.