Галоўны апанент Орбана едзе ў Кіеў

Лідар вугорскай апазіцыі збірае грошы на разбамбаваную расейцамі бальніцу.

Лідар вугорскай апазіцыйнай партыі «Ціса» Петэр Мадзяр абвясціў збор гуманітарнай дапамогі для ўкраінскіх дзяцей і рыхтуецца адправіцца ў Кіеў з партыяй медабсталявання.

Аб гэтым ён напісаў у сваім «Фэйсбуку».

Мадзяр заявіў, што на наступную раніцу адправіцца ў Кіеў як прадстаўнік сваёй палітычнай сілы і вугорскага народа, таму што «не можа паступіць інакш як бацька» пасля кадраў траплення ў лякарню «Охматдзіт».

«Пры падтрымцы Фонду Medspot мы размяркуем значныя аб'ёмы медычнага абсталявання мясцовым украінскім бальніцам з найбольшымі патрэбамі. Асабіста ад сябе як фізічнай асобы я пералічваю ў фонд 1 млн форынтаў (блізу 2500 еўраў)», – адзначыў ён.

Ён заклікаў вугорцаў, якія хочуць далучыцца, прыносіць набытае сваімі сродкамі дробнае медычнае абсталяванне, дзіцячае харчаванне, кансервы і крупы ў пэўнае месца збору дапамогі, або зрабіць фінансавы перавод у фонд для закупкі абсталявання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]