Замежныя амбасадары прыйшлі ў «Ахмадзіт», які абстраляла Расея
9- 8.07.2024, 21:58
- 18,140
У ЗША і ЕЗ заклікалі расследаваць удар па дзіцячай лякарні як ваеннае злачынства.
Амбасадары некалькіх замежных дзяржаваў прыйшлі 8 ліпеня ў дзіцячую лякарню «Ахмадзіт» у Кіеве, якую абстраляла ракетамі Расея.
Пра гэта паведамляе «Еўрапейская праўда».
Пра наведванне «Ахмадзіту» пасля абстрэлу напісаў амбасадар Францыі Гаэль Вейсьер, які адзначыў, што Расеі давядзецца адказаць за атакі на цывільную інфраструктуру.
A l'hôpital pour enfants @anest_ohmatdyt après les frappes pour affirmer au min Lyashko, au dir Zhovnir, aux équipes, aux patients et aux familles de victimes la solidarité de la 🇨🇵. Cet hôpital a développé 1 excellente coopération avec Necker. Le drapeau 🇺🇦 reste debout. pic.twitter.com/0soevhzSrS
— Gaël Veyssiere (@GaelVeyssiere) July 8, 2024
Італьянскі амбасадар Карла Фармоза, які нядаўна пачаў місію ва Украіне, таксама наведаў лякарню і асудзіў «варварскі і баязлівы акт» Расеі.
«Спачуванні сем'ям загінулых: мы разам з Украінай», – дадаў ён, выклаўшы відэа з замежнымі амбасадарамі ў «Ахмадзіце».
L'Amb. #Formosa visita l'ospedale pediatrico @anest_ohmatdyt, colpito oggi dai missili russi. La clinica è stata beneficiaria di progetti della @cooperazione_it. Ferma condanna per un atto barbaro e vile. Vicinanza ai famigliari delle vittime: siamo sempre a fianco dell'#Ucraina. pic.twitter.com/kTuCRZ5WgL
— Italy in Ukraine (@italyinukr) July 8, 2024
Маштабныя расейскія авіяўдары сёння раніцай прывялі да гібелі сама меней 33 і ранення 140 чалавек у Кіеве і Днепрапятроўскай вобласці.
У ЗША і Еўразвязе заклікалі расследаваць удар па «Ахмадзіце» як ваеннае злачынства.