У Беларусі ўнесеныя папраўкі ў законы рэгулявання шлюбных і сямейных адносінаў

Запазычанасць у аліментах можна будзе пагасіць «квадратамі».

Узурпатар Аляксандр Лукашэнка падпісаў закон «Аб змяненні законаў у пытаннях рэгулявання шлюбных і сямейных стасункаў».

Сярод іншага, законам прадугледжваецца замацаванне паўнамоцтваў дзяржаўных органаў у забеспячэнні кантролю за выкананнем захадаў дзяржаўнай абароны дзяцей. Вызначаецца дакладны механізм адабрання дзіцяці пастановай камісіі ў справах няпоўнагадовых, а таксама адзіныя патрабаванні да зместу і афармлення такіх пастановаў.

Дакументам даецца магчымасць перадачы жылых памяшканняў (дзеляў у праве ўласнасці на іх) ва ўласнасць дзіцяці ў лік выплаты аліментаў пры заключэнні пагаднення бацькамі.

Акрамя таго, уводзіцца патрабаванне аб інфармаванні грамадзянамі Рэспублікі Беларусь кампетэнтных органаў сваёй дзяржавы аб рэгістрацыі актаў грамадзянскага стану ў адносінах да сябе і сваіх няпоўнагадовых дзяцей у замежных дзяржавах.

Асноўныя палажэнні закона пачынаюць дзеянне з 1 студзеня 2025 года.

Сам жа закон накіраваны на ўдасканаленне рэгулявання такіх стасункаў, а таксама трансфармацыю нормаў дэкрэта ад 24 лістапада 2006 года нумар 18 «Аб дадатковых захадах дзяржаўнай абароны дзяцей у нядобранадзейных сем'ях» у нормы законаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]