«Мы 22 гадзіны на мяжы»

Беларускі запісалі пацешнае відэа, як яны праходзілі мяжу з Польшчай.

Дзве беларускі правялі 22 гадзіны на мяжы, спрабуючы патрапіць на аўтобусе з Беларусі ў Польшчу. Пра свой досвед яны расказалі ў TikTok. Некаторыя карыстальнікі паспачувалі падарожніцам, іншыя заўважылі, што 22 гадзіны – гэта яшчэ нічога, піша «Люстэрка».

Першую сцэну роліка дзяўчыны запісалі на запраўцы насупраць зоны чакання ля пункта пропуску «Брэст».

– Мы першую гадзіну на мяжы, – сказалі хорам беларускі.

На дзявятую гадзіну дзяўчаты былі на тым самым месцы. На 13-й гадзіне вандроўніцы ўжо сядзелі ў аўтобусе.

– Мы 15-ю гадзіну на мяжы, – даклалі ціктокеркі ўжо з тэрыторыі пункта пропуску.

– Мы 17 гадзінаў на мяжы, – адрапартавалі яны, стоячы ў крамы Duty Free.

Ролік заканчваецца словамі: «Мяжа засталася на мяжы. Вынік: 22 гадзіны».

Менш чым за дзень ролік сабраў больш за паўмільёна праглядаў. У каментарах карыстальнікі дзяліліся сваім досведам выезду ў Польшчу.

«Мы на Каляды стаялі 52 гадзіны», – напісаў адзін каментатар.

«80 гадзінаў на мяжы. Прашу не зайздросціць», – адказаў іншы.

«Ой, як уяўляю, што хутка паеду, дык адразу жаданне ўсё адпадае. Мой рэкорд – 42 гадзіны на машыне ў бок Польшчы», – падзялілася сваім досведам падпісчыца.

«І тут я зразумела, што мае восем гадзінаў (праўда, на пяклівым сонцы ў машыне без кандзёра) яшчэ глупства… Ненавіджу межы», – напісала яшчэ адна карыстальніца.

Паводле звестак Дзяржаўнага памежнага камітэта на вечар 8 ліпеня, у чарзе на выезд з Беларусі ў Польшчу стаяць 150 легкавушак і 30 аўтобусаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]