Польшча ўзняла ў паветра вайсковыя самалёты паблізу граніц Беларусі
5- 8.07.2024, 12:44
- 9,080
Праз дзеянні РФ.
Польшча і хаўруснікі ў панядзелак, 8 ліпеня, паднялі ў паветра самалёты ля межаў Беларусі.
Як растлумачылі ў камандаванні ўзброеных сіл Польшчы, гэта звязанае з «інтэнсіўнай дзейнасцю далёкай авіяцыі Расейскай Федэрацыі», якая назіралася мінулай ноччу.
«Звяртаем вашу ўвагу, што ў паўднёва-ўсходняй частцы краіны можа назірацца павышаны ўзровень шуму, звязаны з пачаткам працы ў нашай паветранай прасторы польскай і хаўруснай авіяцыі», - паведамілі ў польскім вайсковым камандаванні на сваёй афіцыйнай старонцы ў сацсетцы X.
Са слоў польскіх вайскоўцаў, падвышаная актыўнасць расейскай далёкай авіяцыі мінулай ноччу была звязаная «з нанясеннем удараў па аб'ектах, размешчаных, у тым ліку, на захадзе Украіны», у непасрэднай блізкасці ад мяжы з Польшчай, а таксама Беларуссю.
«Апошняя такая актывізацыя дзейнасці расейскай авіяцыі, падчас якой былі нанесеныя ўдары на захадзе Украіны, была зафіксаваная ў ноч з 21 на 22 чэрвеня гэтага года», - паведамілі польскія вайскоўцы.
Там падкрэслілі, што аператыўнае камандаванне «на сталай аснове сочыць за сітуацыяй» ва Украіне і пры неабходнасці аператыўна запускае «ўсе неабходныя працэдуры для гарантавання бяспекі паветранай прасторы Польшчы».
❗️Uwaga, w południowo-wschodnim obszarze kraju może występować podwyższony poziom hałasu związany z rozpoczęciem operowania w naszej przestrzeni powietrznej polskich i sojuszniczych samolotów.
— Dowództwo Operacyjne (@DowOperSZ) July 8, 2024
Dzisiejszej nocy obserwowana jest intensywna aktywność lotnictwa dalekiego zasięgu… pic.twitter.com/jRdS0SbYmq