Орбан назваў тры пытанні, з якімі прыехаў да Пуціна
29- 5.07.2024, 17:38
- 19,694
![Орбан назваў тры пытанні, з якімі прыехаў да Пуціна](https://i.c97.org/ai/601233/aux-head-1719908671-20240702_orban_360.jpg)
Прэм'ера Вугоршчыны ўжо раскрытыкавалі і NATO, і Кіеў.
Прэм'ер-міністр Вугоршчыны Віктар Орбан прыехаў у Маскву, каб даведацца меркаванне Пуціна ў трох пытаннях. Пра гэта ён расказаў падчас прэс-канферэнцыі пасля перамоваў з расейскім дыктатарам, паведамляе РБК.
Паводле ягоных словаў, гэта наступныя пытанні:
«Што ён думае пра наяўныя на гэты момант мірныя ініцыятывы?»
«Што ён думае пра спыненне агню і мірныя перамовы, у якой паслядоўнасці іх можна правесці?»
«Візія Еўропы пасля вайны».
На візіт Орбана адрэагавалі ў Міністэрстве замежных справаў Украіны, падкрэсліўшы, што пастанова ажыццявіць гэтую паездку была прынятая без узгаднення ці каардынацыі з Украінай.
Генеральны сакратар NATO Енс Столтэнберг заявіў, што Орбан у Маскве прадстаўляе толькі Вугоршчыну, а не NATO.