Літва запатрабавала вывезці з тэрыторыі краіны зарэгістраваныя ў Беларусі прычэпы і паўпрычэпы

Да 10 ліпеня.

Прычэпы і паўпрычэпы, зарэгістраваныя ў Беларусі, у тым ліку тыя, якія буксуюцца цягачамі з іншых дзяржаваў, павінны пакінуць Літву да 10 ліпеня. Пра гэта паведамляе прэс-служба літоўскай мытні.

Гэтае патрабаванне з'яўляецца часткай новых санкцый, уведзеных Еўразвязам. Абноўлены рэгламент пачаў дзеянне 1 ліпеня. Літоўская мытня паведамляе, што ўсе прычэпы і паўпрычэпы, задзейнічаныя ў экспарце, рээкспарце і транзіце тавараў, павінны выехаць з тэрыторыі ЕЗ да гэтай даты.

Раней, у канцы чэрвеня, ЕЗ ужо забараніў выкарыстанне для перавозкі грузаў на сваёй тэрыторыі прычэпаў і паўпрычэпаў, зарэгістраваных у Беларусі, нават калі яны буксуюцца цягачамі, зарэгістраванымі ў іншых краінах.

Орбан назваў тры пытанні, з якімі прыехаў да Пуціна

Прэм'ера Вугоршчыны ўжо раскрытыкавалі і NATO, і Кіеў.

Прэм'ер-міністр Вугоршчыны Віктар Орбан прыехаў у Маскву, каб даведацца меркаванне Пуціна ў трох пытаннях. Пра гэта ён расказаў падчас прэс-канферэнцыі пасля перамоваў з расейскім дыктатарам, паведамляе РБК.

Паводле ягоных словаў, гэта наступныя пытанні:

«Што ён думае пра наяўныя на гэты момант мірныя ініцыятывы?»

«Што ён думае пра спыненне агню і мірныя перамовы, у якой паслядоўнасці іх можна правесці?»

«Візія Еўропы пасля вайны».

На візіт Орбана адрэагавалі ў Міністэрстве замежных справаў Украіны, падкрэсліўшы, што пастанова ажыццявіць гэтую паездку была прынятая без узгаднення ці каардынацыі з Украінай.

Генеральны сакратар NATO Енс Столтэнберг заявіў, што Орбан у Маскве прадстаўляе толькі Вугоршчыну, а не NATO.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]