УСУ апублікавалі мапу рэкордных у далёкасці ўдараў па Расеі

Самы далёкі пункт – у Орску.

Управа стратэгічных камунікацый УСУ апублікавала мапу рэкордных (ТОП-10 у далёкасці) паразаў ваенных аб'ектаў у Расеі за апошнія шэсць месяцаў.

Паводле паведамлення ў Telegram, з ужываннем украінскай зброі па тэрыторыі РФ сістэмна наносяцца дзясяткі глыбінных удараў.

«Такім чынам, выкарыстанне зброі заходніх вытворцаў не парушыць любыя дадатковыя ўяўныя “чырвоныя лініі”. Паступова нарошчваючы магчымасці ўкраінскага ваенна-прамысловага комплексу, Сілы абароны Украіны ўвесь час павялічваюць далёкасць і эфектыўнасць удараў. Дазвол на выкарыстанне заходніх сістэмаў узбраення пашырыць магчымасці абароны Украіны і паскорыць заканчэнне расейска-ўкраінскай вайны», – гаворыцца ў паведамленні.

На мапе паразаў відаць, што адлегласць да цэляў у РФ складае больш за 800 кіламетраў, самы аддалены пакуль пункт «прылёту» – у Орску, гэта значыць, гаворка ідзе пра 1800 кіламетраў.

«Месца запуску і адлегласць да аб'ектаў пазначаныя ўмоўна. Страткам УСУ таксама не можа сцвярджаць, што за кожным з удараў стаяць менавіта Сілы абароны Украіны, а не партызаны або незадаволеныя сваім урадам расейцы», – адзначаецца ў паведамленні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]