Навукоўцы знайшлі «чароўны механізм» для спальвання тлушчу

Які ператварае звычайныя белыя тлушчавыя клеткі ў бэжавыя.

Навукоўцы мяркуюць, што знайшлі метад пахудзення без фізічных практыкаванняў і змены дыеты. Чароўны метад зводзіцца да ўжо наяўнага ў арганізме кожнага механізму спальвання тлушчу, вядомага як «бэжавы тлушч», піша Science Focus (пераклад – «Фокус»).

Каманда навукоўцаў з Каліфарнійскага ўніверсітэта падобна, знайшла спосаб ператварыць звычайныя белыя тлушчавыя клеткі ў бэжавыя.

Нягледзячы на тое, што гэта гучыць бессэнсоўна, розніца ўсё ж ёсць. Многія сысуны, сярод якіх і чалавек, валодаюць трыма тыпамі тлушчавых клетак: белымі, бурымі і бэжавымі. Белыя клеткі запасаюцца калорыямі для атрымання энэргіі, бурыя тлушчавыя клеткі спальваюць энэргію для вылучэння цяпла, а бэжавыя выконваюць абедзве гэтыя задачы.

Калі арганізм пераключаецца з белага на бэжавы тлушч, тады ён самастойна і вельмі эфектыўна спальвае тлушчавыя клеткі без пабочнай дапамогі.

Навукоўцы прызнаюць, што іх даследаванне пакуль засноўваецца на выніках эксперыментаў на мышах. Тым не менш адкрыццё ўсё ж можа прывесці да распрацоўкі новага класу прэпаратаў для зніжэння вагі.

Раней даследаванні паказвалі, што стварыць бэжавы тлушч можна на аснове ствалавых клетак. Але новая праца паказвае, што звычайныя белыя тлушчавыя клеткі могуць ператварацца ў бэжавы тлушч, калі абмежаваць выпрацоўку спецыяльнага бялку, які называецца KLF-15.

«Многія думалі, што гэта нездзяйсняльна. Мы ж паказалі, што толькі такі падыход дазваляе ператварыць белыя тлушчавыя клеткі ў бэжавыя, і тое, што гэта не так складана, як меркавалася раней», – кажа старэйшы аўтар даследавання Браян Фельдман.

KLF-15 выконвае важную ролю ў метабалізме і функцыі тлушчавых клетак. Каманда навукоўцаў высветліла, як гэты бялок працуе ў мышэй, якія захоўваюць буры тлушч цягам усяго свайго жыцця. Даследнікі ўбачылі, што KLF-15 змяшчаецца ў меншых колькасцях у белых тлушчавых клетках, чым у астатніх двух відах.

Далей каманда вывела мышэй з белымі тлушчавымі клеткамі, у якіх поўнасцю адсутнічаў KLF-15. Як высветлілася, такія мышы ператваралі белыя тлушчавыя клеткі ў бэжавыя.

Але чаму KLF-15 робіць такі ўплыў? Эксперымент на культываваных чалавечых клетках паказаў, што гэты бялок кантралюе колькасць рэцэптару Adrb1, які дапамагае падтрымліваць натуральны энэргетычны баланс.

Каманда мяркуе, што прэпарат, які нацэліцца на рэцэптар Adrb1, будзе эфектыўна працаваць не толькі на паддоследных мышах, але і на людзях. Перавага такога прэпарату будзе заключацца ў нашмат меншай колькасць пабочных эфектаў, а таксама ў доўгатэрміновым эфекце.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]