Анты-Brexit: Эксперты ацанілі верагоднасць аднаўлення супольнай эканомікі Вялікай Брытаніі і ЕЗ

На думку аналітыкаў, наступствы і прычыны Brexit глыбейшыя за эканамічныя выгоды.

Перамога лейбарысцкай апазіцыі ў Вялікай Брытаніі, што можа прывесці да змены эканамічнага курсу краіны і аднаўлення цесных сувязяў з краінамі Еўразвязу, наўрад ці зможа поўнасцю ўрэгуляваць шматлікія праблемы паміж астраўной дзяржавай і Еўрапейскім кантынентам. Новы ўрад зможа ўстанавіць больш цесныя эканамічныя сувязі з ЕЗ, але наўрад ці адновіць інтэграцыю з кантынентальнай Еўропай, якая была да Brexit. Ключавая праблема не ў эканамічных рознагалоссях, а ў шматлікіх палітычных неадпаведнасцях паміж бакамі, мяркуюць эксперты, якія размаўлялі з выданнем Euractiv.

Еўрааптымісты вельмі спадзяюцца на лейбарыстаў, чый лідар ужо абвясціў пра перазагрузку датычна Вялікай Брытаніі і Еўразвязу. Партыя, якая паводле большасці апытанняў напярэдадні парламенцкіх выбараў атрымае большасць галасоў, абвяшчае пра паляпшэнне гандлёвых і інвестыцыйных стасункаў з Еўразвязам. Сярод іншага, запланаваная ліквідацыя непатрэбных з гледзішча лейбарыстаў эканамічных і бюракратычных бар'ераў у гандлі.

У той самы час лейбарысты салідарныя з кансерватарамі, што аднавіць адзіны рынак або супольны мытны звяз з ЕЗ немагчыма. Адной з прычынаў, якая штурхае брытанскіх палітыкаў захоўваць сваю лакалізацыю, з'яўляецца тое, што еўрапейская бюракратыя падчас перамоваў у сінхранізацыі заканадаўства настойвае на жорсткай узгодненасці брытанскага заканадаўства з еўрапейскімі стандартамі. У сваю чаргу брытанцы хочуць захаваць аўтаномнасць у шматлікіх эканамічных і палітычных пытаннях.

У той самы час эксперты адзначаюць, што лейбарысцкі ўрад будзе ўспрымацца Еўразвязам значна лепш і дазволіць развязаць, прынамсі, большасць тэхнічных праблемаў, звязаных з гандлем. Гэта можа выклікаць паляпшэнне эканамічных стасункаў і ўзмацненне як Еўразвязу, так і Вялікай Брытаніі ў перспектыве. Асабліва важным такое ўзаемадзеянне можа аказацца тады, калі стан эканомікі Вялікай Брытаніі, як і вялікай колькасці краінаў ЕЗ, вымушае жадаць лепшага. Пасля выхаду з еўразоны Вялікая Брытанія атрымала істотны эканамічны ўдар, які паводле большасці паказнікаў ацэньваецца ў скарачэнні валавога ўнутранага прадукту краіны мінімум на 5%. Менавіта таму любое паляпшэнне эканамічных стасункаў паміж Еўразвязам і Вялікай Брытаніяй можа дапамагчы як Лондану, так і Брусэлю палепшыць эканамічныя паказнікі, задавальняючы палітычныя пажаданні грамадзянаў.

Як паведамлялася раней, у красавіку 2021 года Еўрапейскі парламент зацвердзіў Пагадненне аб гандлі і супрацоўніцтве паміж ЕЗ і Вялікай Брытаніяй, якое вызначае правілы будучых стасункаў пасля выхаду краіны з блоку – «Брэкзіту».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]