Пуцін зноў загаварыў пра адзіную валюту Беларусі і РФ

Таксама дыктатар РФ анансаваў стварэнне адзінага «парламента».

Дыктатар РФ Уладзімір Пуцін мяркуе, што ўвядзенне адзінай валюты ў перспектыве магчымае. Пра гэта расейскі кіраўнік сказаў на прэс-канферэнцыі паводле вынікаў саміту ШАС у Астане.

На думку Пуціна, спачатку неабходна развязаць пытанні эканамічнага характару.

«Мы проста пастанавілі, і прэзідэнт Беларусі мяркуе, я падтрымліваю яго, што на першым этапе трэба развязаць найперш пытанні не палітычнага, а эканамічнага характару. Трэба стварыць базу для далейшага збліжэння і на палітычным трэку», – сказаў расейскі дыктатар.

Ён адзначыў, што ў будучыні магчымае і стварэнне адзінага парламента ў «саюзнай дзяржаве».

«У нас працуюць міжпарламенцкія структуры, міжурадавыя. Ці трэба цяпер пераходзіць, як было першапачаткова заяўлена, да адзінага парламента? Ну, гэта пытанне часу», – падкрэсліў Пуцін.

Кіраўнік РФ звярнуў увагу, што Беларусь і Расея ўжо зрабілі сур'ёзныя захады ў эканамічным збліжэнні, сярод іншага, у сферах падатковага і мытнага рэгулявання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]