Партызаны знайшлі таемныя склады ракет Х-22 у Ленінградскай вобласці
3- 4.07.2024, 14:42
- 4,708
Каардынаты перададзеныя ўкраінскім вайскоўцам.
Расейскія войскі захоўваюць ракеты на складах у Ленінградскай вобласці. Партызаны правялі выведку ракетных сховішчаў.
Пра гэта паведамляе Telegram-канал партызанскага руху «Атеш».
«Наш агент выведаў месца захоўвання ракет Х-22 для Ту-22М3. Гэтыя ракеты дастаўляюцца на аэрадром Сольцы ў Ноўгарадскай вобласці для расейскіх бамбавікоў, якія выкарыстоўваюцца ў атаках на тэрыторыю Украіны», - гаворыцца ў паведамленні.
Паводле інфармацыі «Атэш», менавіта на аэрадроме Сольцы не так даўно ГУР вывеў са строю тры такія самалёты.
«Поруч ангараў склада размешчаная велізарная колькасць вайсковай тэхнікі, на якой транспартуюцца боепрыпасы і для іншых тыпаў узбраення. Дэталёвая інфармацыя арганізацыі каравульнай службы, перамяшчэння тэхнікі і асабовага складу была аператыўна перададзеная Сілам абароны Украіны», - дадалі партызаны.