СМІ: У Лукашэнкі пачалася паніка праз дзеянні Польшчы на мяжы
8- 4.07.2024, 14:37
- 39,920
![СМІ: У Лукашэнкі пачалася паніка праз дзеянні Польшчы на мяжы](https://i.c97.org/ai/547712/aux-head-1683879470-20230512_granica_360.jpg)
Дыктатар склікаў сакрэтнае пасяджэнне Савета бяспекі.
Польшча зрабіла крок, які выклікаў вялікую занепакоенасць у Беларусі. Варшава мае намер увесці пільны кантроль на найбуйнейшым чыгуначным памежным пераходзе паміж Беларуссю і Польшчай, піша Dziennik Gazeta Prawna.
Адзначаецца, што кожны транспарт, які ўязджае ў Польшчу, будзе падлягаць дбайнаму і дэталёваму кантролю, што значна запаволіць таварную плынь і можа выявіць шмат злоўжыванняў. Гэтыя заявы выклікалі моцнае хваляванне і паніку ў Менску.
У той жа час Кітай таксама пачаў асобна ціснуць на беларускі рэжым, бо ўвядзенне памежнага кантролю замарудзіць транзіт грузаў з Далёкага Усходу ў Еўразвяз праз КПП «Малашэвічы». Выданне паказвае, што кітайцы ўжо двойчы прасілі Аляксандра Лукашэнку растлумачыць, што адбываецца на польска-беларускай мяжы.
Са слоў журналістаў, польская пастанова можа паўплываць не толькі на легальныя заробкі многіх краін, але і на кантрабанду, якой карыстаюцца службы Лукашэнкі.
У той жа час Лукашэнка правёў дзве закрытыя сустрэчы і склікаў з гэтай нагоды сакрэтнае пасяджэнне Савета бяспекі. Аднак, на думку экспертаў, наступны крок Польшчы можа прымусіць яго пайсці на саступкі.