Зяленскі распавёў, як прымусіць Расею скончыць вайну ўжо сёлета

Прэзідэнт Украіны зрабіў заяву ў кантэксце выбараў у ЗША.

Прэзідэнт Украіны Уладзімір Зяленскі перакананы, што ўжо сёлета можна прымусіць Расею спыніць вайну супраць Украіны.

Аб гэтым кіраўнік украінскай дзяржавы сказаў у інтэрв'ю для Bloomberg.

«Мы кажам, што да наступнага, наступнага года і гэтак далей - мы ўсе можам прадэманстраваць, што мы моцныя. Мы ўсе можам прымусіць Расею скончыць вайну сёлета. Мы ўсе здольныя на гэта, калі мы ўсе разам. Прадэманстраваць, што кожны з нас моцны лідар», - сказаў Зяленскі ў кантэксце прэзідэнцкіх выбараў у ЗША, якія адбудуцца ў лістападзе.

Таксама прэзідэнт выказаў сваё бачанне, пры якіх умовах дапамога для Украіны не будзе зменшаная.

«Калі людзі ў Злучаных Штатах Амерыкі будуць стаяць моцна на сваіх прынцыпах, падтрымліваючы Украіну, нашыя каштоўнасці, і не даваць магчымасць парушаць усе правілы, законы, свабоды, правоў людзей і дэмакратыі - не дадуць гэтую магчымасць Пуціну, то і кожны будучы прэзідэнт Злучаных Штатаў Амерыкі не зможа ў корані змяніць стаўленне да Украіны, а значыць, не зможа зменшыць дапамогу», - падкрэсліў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]