Даследчыца тэмы дзяцінства Пуціна распавяла пра раннія гады жыцця дыктатара

Дзяцінства расейскага дыктатара ахутанае сакрэтамі і легендамі.

Даследчыца тэмы дзяцінства Пуціна распавяла, чаму ад яго магла адмовіцца біялагічная маці. Дзяцінства расейскага дыктатара Уладзіміра Пуціна ахутанае сакрэтамі і легендамі. Паводле адной з версій, кіраўніка Крамля маглі выхоўваць не родныя бацькі, а яго айчымам мог быць грузін. Такое меркаванне выказала расейска-амерыканская журналістка, даследчыца дзяцінства Пуціна Джулія Ёфе ў інтэрв'ю «Радыё Свабода».

Са слоў спецыяліста, існуе альтэрнатыўная гісторыя нараджэння і ранняга дзяцінства Пуціна.

«Наколькі я разумею, была расейка, якая сказала, што яна нарадзіла гэтае дзіця ад расейца, я думаю, па-за шлюбам, а потым выйшла замуж за грузіна, пераехала ў Грузію з маладым Валодзем Пуціным. Айчым ставіўся да яго жудасна і ў прынцыпе не ўспрымаў дзіцё, якое мы зараз ведаем як Уладзіміра Пуціна, як сваё ўласнае», – выказала здагадку Ёфе.

Паводле гэтай тэорыі, маці аддала яго далёкім сваякам у Ленінградзе... Менавіта таму людзі, якіх завуць бацькамі Пуціна, былі значна старэйшыя. Няма іншага спосабу растлумачыць, чаму яго бацькі настолькі старэйшыя, уважае даследчыца.

«Я ведаю, што яна (верагодная біялагічная маці Пуціна, – рэд.) шмат казала пра гэта замежным журналістам, і людзі казалі, што яна нават падобная да яго. Не ведаю», – сказала Ёфе.

Журналіст пацвердзіў, што падабенства было «неверагодным». Зрэшты, пацвердзіць ці зняпраўдзіць гэта немагчыма.

Са слоў Ёфе, у маленькага Пуціна не было ў дзяцінстве цацак. Ён ганяўся за пацукамі дзеля забаўкі. Ён рос у двары і меў зносіны з іншымі дзецьмі.

«Усе гэтыя ўзаемадзеянні былі сканцэнтраваны вакол фізічнай сілы і гвалту і строгай сацыяльнай іерархіі. І гэта была ягоная забава. А таксама там ён навучыцца чытаць людзей... Вы не можаце схавацца ад свайго мінулага ці схаваць шмат што... Справа не столькі ў цацках і пацуках, колькі ў галечы і беднасці той эпохі, а таксама ў тым, як яна навучыла гэтае пакаленне, што дабрабыт не гарантаваны, што заўсёды можа быць горш... Вось чаму ягоны палац у Геленджыку выглядае так... Я думаю, людзі, якія выраслі з грашыма, як правіла, не ўпрыгожваюць свае дамы такім чынам», – адзначыла журналістка.

Адзначым, што паводле афіцыйнай версіі, бацька расейскага дыктатара, Уладзімір Спірыдонавіч Пуцін (23 лютага 1911 – 2 жніўня 1999), нарадзіўся ў сяле Памінава Цвярскога павета Цвярской губерні, у 1933-1934 гадах служыў на падводным флоце. Пасля вайны – майстар на заводзе ім. Ягорава.

Маці дыктатара, Марыя Іванаўна Пуціна, ураджэнка Шаламава (17 кастрычніка 1911 – 6 ліпеня 1998), родам з вёскі Зарэчча Цвярскога павета Цвярской губерні. Там яна пазнаёмілася з Уладзімірам Спірыдонавічам, таксама працавала на заводзе, перажыла блакаду Ленінграда.

Уладзімір Пуцін (нарадзіўся 7 кастрычніка 1952 года) быў трэцім сынам у сямʼі. Два яго старэйшыя браты памерлі яшчэ да яго нараджэння: Альберт – да пачатку Другой сусветнай вайны, двухгадовы Віктар – у 1942 годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]